ગૃહવિભાગે જણાવ્યુ કે, અમિત શાહે નક્સલવાદી વિરુધ્ધ ચાલી રહેલા અભિયાનો અને નક્સલ પ્રભાવિત ક્ષેત્રોમા ચાલી રહેલા વિકાસ કાર્યોની સમીક્ષા કરી.ગૃહપ્રધાન બન્યા બાદ અમિત શાહની આ બાબતે પહેલી બેઠક હતી. માઓવાદીથી પ્રભાવિત 10 રાજ્યો જેવા કે છત્તીસઢ, ઝારખંડ, ઓરિસ્સા, પશ્વિમ બંગાળ, બિહાર, મહારાષ્ટ્ર,તેલંગાણા, આંધ્રપ્રદેશ, મધ્યપ્રદેશ અને ઉત્તરપ્રદેશ છે.
વિભાગે જણાવ્યુ કે, 2009 થી 2013 સુધીમા 3,326 જેટલા લોકોનુ મૃત્યુ થયુ હતુ. જ્યારે 2014 થી 2018ના ગાળામા 1,321 લોકો મુત્યુ પામ્યા હતા. જેમા 60.4 ટકાનો ઘટાડો જોવા મળ્યો હતો. ચાલુ વર્ષે પાંચ મહિનામા નક્સલ હિંસાની 310 ઘટના સામે આવી છે. જેમા 88 લોકોના મોત થયા હતા.
