‘મહાદેવ હર...’, 19 દિવસમાં 2 લાખથી વધુ લોકોએ કર્યા ‘બાબા બર્ફાની’ના દર્શન

જમ્મુ: અમરનાથ યાત્રા માટે શુક્રવારના રોજ જમ્મુથી 4094 શ્રદ્ધાળુનો એક સમૂહ રવાના થયો હતો. અધિકારીઓના જણાવ્યા અનુસાર, આ વર્ષ 1 જુલાઈથી યાત્રા શરૂ થયા બાદ અત્યાર સુધી 19 દિવસોમાં 2.38 લાખથી વધુ શ્રદ્ધાળુઓએ સમુદ્રથી 3888 મીટર ઉપર આવેલા બાબા બર્ફાનીના દર્શન કરી ચૂક્યા છે. શ્રી અમરનાથજી જી શ્રાઈન બોર્ડના અઘિકારીઓએ કહ્યું કે, 1 જુલાઈથી યાત્રા શરૂ થયા બાદ 19 દિવસોમાં 2,38,974 શ્રદ્ધાળુઓએ પવિત્ર શિવલીંગના દર્શન કર્યા છે.

પોલીસે કહ્યું કે, ભગવતી નગર યાત્રી નિવાસથી 4094 યાત્રિઓનો એક સમુહ શનિવારના રોજ 2 સુરક્ષા દળો સાથે રવાના થયો હતો.

એક પોલીસ અધિકારીએ વધુમાં જણાવ્યું હતું કે, "આમાંથી 1,686 મુસાફરો બાલટાલ આધાર શિવિર જઈ રહ્યા છે. જ્યારે 2,408 યાત્રાળુઓ પહેલગામ આધાર શિવિરમાં જઈ રહ્યા છે."

બાબા બર્ફાની...19 દિવસનાં 2.38 લાખ શ્રદ્ધાળુઓએ કરી અમરનાથની યાત્રા

પવિત્ર ગુફાની શોધ 1850માં એક મુસ્લિમ ભરવાડ બૂટા મલિકે કરી હતી.

લગભગ 150 વર્ષથી ભરવાડના વંશજોને પવિત્ર ગુફા પર આવનાર ચઢાવાનો કેટલાક ભાગ આપવામાં આવે છે.

આ વર્ષે, 45 દિવસની અમરનાથ યાત્રાનું સમાપન 15 ઓગસ્ટના રોજ શ્રાવણ પૂર્ણિમા સાથે થશે.