- ગુજરાતમાં બે દિવસીય અખિલ ભારતીય પ્રિસાઈડીંગ કોન્ફરન્સ
- સંમેલનમાં દેશના તમામ રાજ્યોના વિધાનસભા અધ્યક્ષ લેશે ભાગ
- હરિયાણા વિધાનસભાના અધ્યક્ષ જ્ઞાનચંદ ગુપ્તા પણ ભાગ લેશે
ચંદીગઢ: ગુજરાતમાં બે દિવસીય અખિલ ભારતીય પ્રિસાઈડીંગ કોન્ફરન્સ યોજાઈ રહી છે. આ સંમેલનમાં દેશભરના તમામ રાજ્યોના વિધાનસભા અધ્યક્ષ ભાગ લેશે, જે અંતર્ગત હરિયાણા વિધાનસભાના અધ્યક્ષ જ્ઞાનચંદ ગુપ્તા પણ આ પરિષદમાં ભાગ લેવા જઈ રહ્યા છે.
ETV ભારત સાથે વાતચીત દરમિયાન હરિયાણા વિધાનસભાના અધ્યક્ષ જ્ઞાનચંદ ગુપ્તાએ જણાવ્યું હતું કે, આ કાર્યક્રમ 25 અને 26 નવેમ્બરના રોજ ગુજરાતના કેવડિયામાં યોજાશે અને સંમેલનનું ઉદઘાટન રાષ્ટ્રપતિ રામનાથ કોવિંદ કરશે. તેમણે જણાવ્યું કે, 26 નવેમ્બરને સંવિધાન દિવસ તરીકે ઉજવવામાં આવે છે. આ પ્રસંગે આ પરિષદનું આયોજન થવું આપણા માટે ગર્વની વાત છે.
વડાપ્રધાન મોદી સંમેલનના સમાપન સત્રને સંબોધશે
જ્ઞાનચંદ ગુપ્તાએ જણાવ્યું કે, વડા પ્રધાન નરેન્દ્ર મોદી 26 નવેમ્બરે સંમેલનના સમાપન સત્રને સંબોધન કરશે. તેમણે કહ્યું કે, આ વર્ષે વિધાનસભા, કારોબારી અને ન્યાયતંત્રની સુમેળ પર એક પરિષદનું આયોજન કરવામાં આવી રહ્યું છે. બે દિવસીય સંમેલનમાં દેશભરમાંથી પ્રિસાઈડીંગ અધિકારીકાની જવાબદારી નિભાવનારા રાજ્યોના સ્પીકર્સ અને કર્મચારી અધિકારીઓ ઉપસ્થિત રહેશે.
વિધાનસભામાં બનાવેલા કાયદાને અમલમાં મુકવા અંગે ચર્ચા
જ્ઞાનચંદ ગુપ્તાએ જણાવ્યું હતું કે, પરિષદમાં તેમના 1 વર્ષના સ્પીકરના કાર્યકાળ દરમિયાન તેઓએ જે પણ પડકારનો સામનો કરવો પડ્યો છે, તેને બધાની સામે રાખશે. સ્પીકરે કહ્યું કે વિધાનસભાનું કામ કાયદા બનાવવાનું છે. પરંતુ ઘણી વાર તે કાયદાઓ લાગુ થતા નથી. આ કાયદાઓ અમલમાં લાવવામાં જે મુશ્કેલીઓ આવે છે, આ સમસ્યાઓનું નિરાકરણ આવી શકે, તેની આ પરિષદમાં ચર્ચા કરવામાં આવશે.
બંધારણના 3 અંગ, ન્યાયતંત્ર, વિધાનસભા અને કારોબારી
તેમણે કહ્યું કે, આપણા બંધારણના ત્રણ અંગ છે, જે ન્યાયતંત્ર, વિધાનસભા અને કારોબારી છે. આપણે બધા ઇચ્છીએ છીએ કે, તે ત્રણેયએ સુમેળ જાળવવો જોઈએ, દેશને સુમેળ ભર્યા વાતાવરણમાં પ્રગતિ તરફ લાવવો જોઈએ અને જો ત્યાં કોઈ સમસ્યા આવે છે તો તેનું નિરાકરણ લાવવું જોઈએ.
રાષ્ટ્રપતિ અને પીએમની હાજરીથી સંમેલનનું મહત્વ વધ્યું
નોંધપાત્ર વાત એ છે કે, ગુજરાતમાં યોજાનારી બે દિવસીય અખિલ ભારતીય પ્રિસાઈડીંગ ઓફિસર કોન્ફરન્સમાં રાષ્ટ્રપતિ રામનાથ કોવિંદ અને વડાપ્રધાન નરેન્દ્ર મોદીની હાજરીને કારણે સંમેલનનું મહત્વ વધ્યું છે. હવે પરિષદમાં ચર્ચાને અર્થપૂર્ણ રીતે અમલમાં મૂકવામાં આવે અથવા તેનું નિરાકરણ આવે તેવી અપેક્ષા રાખવામાં આવી રહી છે.
