ભારત અને અફધાનિસ્તાન વચ્ચે સાઉથહેમ્પટનના રોઝ બાઉલ ખાતે આજે રમાયેલી મેચમાં ભારતે પ્રથમ બેટિંગ કરતા 225 રન બનાવ્યા હતા. જેમાં ભારત તરફથી વિરાટ કોહલીએ સર્વાઘીક 67 રન બનાવ્યાં હતા અને કેદાર જાધવની લડાયક 52 રનની ઇનિંગ્સના સહારે ભારતે સન્માનજનક સ્કોર સુધી પહોંચવામાં સફળ રહી હતી. જેના જવાબમાં અફધાનિસ્તાન 213 રન પર ઓલઆઉટ થઇ ગઇ હતી જેમાં શામીએ ચાર, ચહલ, બુમરાહ અને પાંડ્યાએ બે-બે વિકેટ હાંસિલ કરી ભારતને જીત અપાવવામાં મહત્વપુર્ણ ભુમિકા ભજવી હતી. અફધાનિસ્તાન તરફથી મેરેથોન ઇનિંગ્સ રમી સન્માનજનક સ્કોર સુધી પહોંચાડનાર મહોમ્મદ નાબીએ 52 રન બનાવ્યાં હતાં છતા પણ ટીમની હાર થઇ હતી.
આજની મેચમાં મહત્વની વાત એ રહી કે મેચના પરીણામના અંતે મોહમ્મદ શામી એ હેટ્રિક ઝડપી અને ભારતને જીત આપવામાં મહત્વની ભુમીકા ભજવી હતી.
