નવી દિલ્હી: શ્રીરામ જન્મભૂમિ તીર્થ ક્ષેત્ર ટ્રસ્ટના પ્રભારી, પ્રકાશ કુમાર ગુપ્તાએ એવા અહેવાલોને ફગાવી દીધા છે કે, રામ મંદિર આંદોલનના મુખ્ય નેતાઓ અને ભારતીય જનતા પાર્ટીના (ભાજપ) વરિષ્ઠ નેતા એલ.કે. અડવાણી અને મુરલી મનોહર જોશીને ભૂમિપૂજન માટે આમંત્રણ નથી અપાયું. ગુપ્તાએ જણાવ્યું હતું કે, આ પ્રકારના અહેવાલો વિવાદ ઉભો કરવાના લક્ષ્યમાં હતા અને ઉમેર્યું હતું કે મંદિરના આંદોલન સાથે સંકળાયેલા તમામ જાણીતા વ્યક્તિઓને આમંત્રણ મોકલવામાં આવ્યું છે.
ગુપ્તાએ વધુમાં કહ્યું કે, "અડવાણીજી, જોશીજી સહિતના તમામ અગ્રણી વ્યક્તિઓને મેલ દ્વારા આમંત્રણ અપાયું છે અને ટેલિફોનીક વાતચીત દ્વારા પણ માહિતી આપી છે. કોરોનાને કારણે , ઘણા પ્રતિષ્ઠિત આમંત્રિતો ભૂમિપૂજન માટે આવી શકશે નહીં. "કોઈ આવવામાં અસમર્થ હોઈ શકે છે અથવા લાંબો પ્રવાસ કરવામાં મુશ્કેલી પડી શકે છે. તમામ નિકટવર્તી વ્યક્તિત્વને આમંત્રણ ન આપવાનો કોઈ પ્રશ્ન નથી, ટ્રસ્ટ બધાની ભાવનાઓને માન આપે છે."
ગુપ્તાએ જણાવ્યું હતું કે, પોસ્ટ દ્વારા આમંત્રણો મોકલવાએ ખાતરી આપતું નથી કે, આમંત્રણ સમયસર પહોંચે છે. જો કે, ઇ-મેલ અથવા ફોન દ્વારા આમંત્રણો મોકલવાનું વધુ અનુકૂળ છે. ફોન પર અપાયેલા આમંત્રણ વ્યક્તિગત સંપર્કને જોડે છે. અડવાણી અને જોશીને પણ ટેલિફોન દ્વારા આમંત્રણ અપાયું છે.
બીજી તરફ, જ્યારે અડવાણીનો સંપર્ક તેમના, પૃથ્વીરાજ રોડ નવી દિલ્હી સ્થિત નિવાસસ્થાન પર કર્યો હતો, ત્યારે ફોનનો જવાબ આપનારા વ્યક્તિએ કહ્યું હતું કે, ભૂમિપૂજન માટે અયોધ્યા જવાનો તેમના દ્વારા હજી સુધી કોઈ સત્તાવાર કાર્યક્રમ નક્કી કરવામાં આવ્યો નથી.
જો કે, તે વ્યક્તિએ ચોક્કસપણે અયોધ્યાનો કોલ લેવાનું સ્વીકાર્યું, પરંતુ કહ્યું કે, ભૂમિપૂજનને લગતી વધારે માહિતી નથી. અડવાણીના અંગત સચિવ દીપક ચોપડાનો સંપર્ક કરવામાં આવ્યો ત્યારે તેઓએ કોઈ જવાબ આપ્યો ન હતો.
ભાજપના વરિષ્ઠ નેતા મુરલી મનોહર જોશીના સાથીએ કહ્યું કે, "શનિવાર સુધી કોઈ ફોન આવ્યો ન હતો. તે રવિવારે આવ્યો હશે, પરંતુ હું આજે રજા પર છું. તેથી મને જાણ નથી."
ભાજપના બંને વરિષ્ઠ નેતાઓના નજીકના સૂત્રોએ જણાવ્યું હતું કે, કોરોના વાયરસ અને સ્વાસ્થ્યને કારણે, તેઓ તેમના સંબંધિત નિવાસસ્થાનેથી વીડિઓ દ્વારા ભૂમિપૂજન કાર્યક્રમમાં જોડાઈ શકે છે.
5 ઓગસ્ટે અયોધ્યામાં રામ મંદિરના ભૂમિપૂજન કાર્યક્રમની તૈયારીઓ જોરશોરથી ચાલી રહી છે. વડાપ્રધાન નરેન્દ્ર મોદી ભવ્ય રામ મંદિરના ભૂમિપૂજનના ઉદ્ઘાટન માટે અયોધ્યા પહોંચશે. દેશના તમામ મોટા ધાર્મિક સ્થળો અને પવિત્ર નદીઓમાંથી પવિત્ર માટી અને જળ અયોધ્યામાં ભૂમિપૂજનમાં મોકલાશે.
મહત્વનું છે કે, એક મુદ્દો લોકોમાં ચર્ચાનું કેન્દ્ર પણ બન્યો છે જેમાં ચર્ચાય રહ્યું છે કે, ભૂમિ પૂજનમાં અડવાણી, જોશીને મોડું નિમંત્રણ શા માટે..?
રામ મંદિર આંદોલનના કારણે જ ભાજપના રાજકારણમાં ચમકી ઉઠેલા ઉમા ભારતી, કલ્યાણ સિંહને પહેલેથી જ સન્માનિત સ્વરૂપથી નિમંત્રણ મોકલી દેવાયું હતું.
ભાજપના વરિષ્ઠ નેતા લાલકૃષ્ણ અડવાણીને આગામી 5 ઓગષ્ટના રોજ અયોધ્યા ખાતે યોજાનારા ભૂમિ પૂજન કાર્યક્રમ માટે ફોન દ્વારા નિમંત્રણ પાઠવવામાં આવ્યા છે. અગાઉ અડવાણી અને મુરલી મનોહર જોશીને નિમંત્રણ ન મોકલવામાં આવ્યું હોવાના સમાચાર વહેતા થયા હતા.
જો કે રામ મંદિર આંદોલનને ઉભું કરવામાં અડવાણી અને જોશીનું મહત્વનું યોગદાન છે અને તેમને નિમંત્રણ ન મળે તે મોટો મુદ્દો બની શકે તેમ હોવાથી ડેમેજ કંટ્રોલ કરવા માટે હવે આ બંને નેતાઓને કાર્યક્રમમાં બોલાવવાની વાત કહેવામાં આવી છે. ઉલ્લેખનીય છે કે, અડવાણી અને જોશી બંને બાબરી મસ્જિદ વિધ્વંસ કેસમાં પુછપરછમાં પણ છે.
બીજી બાજુ રામ મંદિર આંદોલનના કારણે જ ભાજપના રાજકારણમાં ચમકી ઉઠેલા ઉમા ભારતી અને ઉત્તર પ્રદેશના પૂર્વ મુખ્યપ્રધાન કલ્યાણ સિંહને પહેલેથી જ સન્માનિત સ્વરૂપથી નિમંત્રણ મોકલી દેવાયું છે. ઉમા ભારતી અને કલ્યાણ સિંહ એવું કહી જ ચુક્યા છે કે, તેમને 6 ડિસેમ્બર, 1992ના બાબરી મસ્જિદ ધ્વંસની ઘટનાનો કોઈ જ અફસોસ નથી.
આ પ્રકારના મુદ્દાઓ અડવાણી અને જોશીના નજીકના માનવામાં આવતા લોકો તથા તેમના ચાહકોમાં ચર્ચાઈ રહ્યા હોય તેવું ખાસ સુત્રો પાસેથી જાણવા મડ્યું છે. જો કે, શ્રી રામ જન્મભૂમિ તીર્થ ક્ષેત્ર ટ્રસ્ટના અધિકારીઓએ આ પ્રકારની ચર્ચા પર વિરામ મુકતા નિવેદન આપ્યું છે કે ટ્રસ્ટ બધાની ભાવનાઓને માન આપે છે અને આ આંદોલનથી સંકળાયેલા તમામ મુખ્ય લોકોને આમંત્રણ આપી દેવામાં આવ્યું છે.
