આ અંગે ભીમસિંહની માતા રાજબાલાએ જણાવ્યુ હતું કે, ભીમસિંહ મલેશિયા રહીને આવ્યો હતો. ત્યારપછી તેને ફેસબુક પર ત અલીશા નામની યુવતી સાથે પ્રેમ થઈ ગયો હતો. ભીમસિંહે કહ્યુ હતું કે તે ઈંડોનેશિયા જશે અને અલીશા સાથે લગ્ન કરશે. તેણે ઈંડોનેશિયામાં જ સ્થાયી થવાની વાત કરી હતી. ભીમસિંહ સાથે તેમની 22 જુલાઈએ છેલ્લીવાર વાત થઈ હતી. 23 જુલાઈએ ઈંડોનેશિયા જવાનું કહ્યુ હતું. થોડા દિવસ પછી ભીમસિંહનો મેસેજ આવ્યો હતો કે, તે પરત આવી રહ્યો છે અને રસ્તામાં છે. તેમજ વારંવાર રાંચી તો ક્યારેક દિલ્હી હોવાનું કહેતો હતો.
31 ઓગષ્ટે તે ઘરે આવી જશે એમ જણાવ્યુ હતું. પરંતુ હવે ભીમસિંહનો ઓડિયો સામે આવ્યો છે. જેમાં તેે બોલે છે કે, તેને બંધક બનાવાયો છે. તેને ઈંજેક્શન અને બ્લેડ મરાય રહ્યા છે. તેને અસહ્ય પીડા અપાઈ રહી છે. તેના આ ઓડિયોથી પરિવાર ચિંતામાં મુકાયો છે. તેમણે પોલીસ અધિકારીને મળી પોતાના પૂત્રને પરત લાવવા મદદ માગી છે.
