સુનાવણી દરમિયાન પબ્લિક પ્રોસિક્યુટર ઇરફાન એહમદે તિહાડ જેલ તરફથી પટિયાલા હાઉસ કોર્ટથી નવો ડેથ વોરન્ટ જાહેર કરવાની માગ કરી હતી. આગાઉ રાષ્ટ્રપતિએ દયા અરજીને ફગાવી હતી. મુકેશના વકીલ વૃંદા ગ્રોવરે કોર્ટેને જણાવ્યું કે, અમને આ વાતની જાણકારી નથી કે કોર્ટે અમારી દયા અરજીને ફગાવી છે. જે બાદ કોર્ટે 4.30 વાગ્યે સુધી સુનાવણીને સ્થગિત કરી હતી અને જેલ પ્રશાસનને આદેશ આપ્યા હતા કે આ વાતની ખાતરી કરવામાં આવે કે શું આરોપીઓને તેમની દયા અરજીને ફગાવી દીધી છે, તે વાતની જાણ છે કે નહીં.
ગૃહમંત્રાલયે નિર્ભયા કેસમાં ચારેય આરોપીઓમાંથી એક મુકેશ સિંહની દયા અરજીને ગુરુવાર રાતે રાષ્ટ્રપતિ પાસે મોકલી હતી જે ફગાવી દેવામાં આવી હતી. હાઈકોર્ટમાંથી ક્યૂરેટિવ પિટીશન ફગાવ્યા બાદ મુકેશે રાષ્ટ્રપતિને દયા અરજી મોકલી હતી. આ સાથે પીડિતાના માતા આશા દેવીએ શુક્રવારે કહ્યું કે, ‘અત્યાર સુધી મેં ક્યારેય પણ રાજકારણની વાત નથી કરી પણ આજે કહેવા માંગું છું કે, જે લોકો 2012માં રસ્તા પર ઉતર્યા હતા, આજે એ જ લોકો મારી દીકરીના મોત પર રાજકીય ફાયદા માટે રમત રમી રહ્યા છે.’
છેલ્લે 16 ફ્રેબુઆરીના રોજ સુનાવણી દરમિયાન પટિયાલા હાઉલ કોર્ટે આ વાતના સંકેત આપ્યા હતા કે 22 જાન્યુઆરીના રોજ આરોપીઓને ફાંસીની સજા થઇ શકે છે. મુકેશના વકીલ વૃંદા ગ્રોવરે કહ્યું કે,ફક્ત મુકેશ તરફથી અરજી દાખલ કરવામાં આવી હતી. વૃંદા ગ્રોવરે કહ્યું કે સુપ્રીમ કોર્ટે 14 ફ્રેબુઆરીના રોજ 2 વાગ્યે ક્યયુરેટિવ અરજીને ફગાવી હતી અને 3 વાગ્યે અમે ગયા અરજી દાખલ કરી હતી.
પટિયાલા હાઉસ કોર્ટે 7 જાન્યુઆરીએ નિર્ભયાના ચારેય દુષ્કર્મીઓ અક્ષય, પવન, મુકેશ અને વિનય વિરુદ્ધ ડેથ વોરન્ટ જાહેર કરી દીધું હતું. આ વોરન્ટમાં કહેવામાં આવ્યું હતું કે, આ આરોપીઓને 22 જાન્યુઆરીએ સવારે 7 વાગ્યે તિહાડ જેલમાં ફાંસીની સજા આપવામાં આવશે. ત્યારબાદ બે આરોપીઓ મુકેશ અને વિનયે સુપ્રીમ કોર્ટમાં ક્યૂરેટિવ પિટીશન દાખલ કરી હતી. સુપ્રીમ કોર્ટે મંગળવારે બન્નેની અરજી ફગાવી દીધી હતી. એક આરોપીએ રાષ્ટ્રપતિને દયા અરજી મોકલી, દિલ્હી હાઈકોર્ને ડેથ વોરન્ટ રદ્દ કરવાની માંગ કરી. હાઈકોર્ટે તેની અરજી ફગાવતા નીચલી કોર્ટમાં અરજી કરવા માટે કહ્યું હતું.
દિલ્હી સરકારે દયા અરજી ફગાવવાની ભલામણ કરતા તેને ઉપ રાજ્યપાલ અનિલ બૈજલ પાસે મોકલવામાં આવી હતી. ઉપ રાજ્યપાલે પણ કેન્દ્રીય ગૃહ મંત્રાલયને આ અરજી મોકલી આપી હતી. આ પહેલા નિર્ભયા ગેંગરેપ કેસમાં રાષ્ટ્રપતિ રામનાથ કોવિંદે દોષી મુકેશ સિંહની અરજી ફગાવી દીધી છે. કેન્દ્રીય ગૃહ મંત્રાલયે નિર્ભયા મામલાના દોષિતમાંથી એકની દયા અરજી શુક્રવારે રાષ્ટ્રપતિ રામનાથ કોવિંદ પાસે મોકલી હતી. મંત્રાલયે આ અરજીનો અસ્વીકાર કરવાની ભલામણ કરી હતી. નિર્ભયા સામૂહિક ગેંગરેપ અને હત્યા મામલાના ચાર દોષિતોમાંથી એક મુકશ સિંહે થોડા દિવસ પહેલા દયા અરજી દાખલ કરી હતી.
