જયપુર: ભાજપ રાજ્યસભાની ચૂંટણી માટે રમીલાબેન બારા, અભય ભારદ્વાજ અને ત્રીજા ઉમેદવાર તરીકે નરહરી અમીનને જાહેર કર્યાં છે. જ્યારે કોંગ્રેસે ભરતસિંહ સોલંકી અને શક્તિસિંહ ગોહિલને મેદાનમાં ઉતાર્યા છે. જે બાદ ગુજરાતના રાજકારણમાં જોડતોડનું રાજકારણ શરૂ થયું છે.
ઉલ્લેખનીય છે કે, ગુજરાત કોંગ્રેસના ધારાસભ્યોને હોર્સ ટ્રેડિંગથી બચવવા માટે રાજસ્થાનના જયપુર ખાતે ખસેડવામાં આવ્યા છે. આ ધારાસભ્યો ઉત્તર ગુજરાત અને મધ્ય ગુજરાતના છે. રાજસ્થાનના મુખ્ય પ્રધાન અશોક ગહલોત ગુજરાત કોંગ્રેસના ધારાસભ્યો સાથે શનિવાર રાત્રે 8 વાગ્યે મુલાકાત કરશે.
નોંધનીય છે કે, વિધાનસભામાં સંખ્યા બળ પ્રમાણે કોંગ્રેસ અને ભાજપને બે બેઠક મળી શકે છે. પરંતુ ભાજપે ત્રીજો ઉમેદવારા જાહેર કરતા રાજકારણ ગરમાયું છે. જો કોગ્રેસના 8 ધારાસભ્યો ક્રોસ વોટિંગ કરે તો, ભાજપને ત્રીજી બેઠક મળી શકે છે, જેનાથી બચાવા માટે કોંગ્રેસ પોતાના ધારાસભ્યોને રાજસ્થાનમાં શિફ્ટ કર્યાં છે.
