નવી દિલ્હી: એક તરફ દેશમાં કોરોના વાઇરસના કેસો ઝડપથી વધી રહ્યાં છે, બીજી તરફ હવે કોરોના વોરિયર્સ પણ કોરોના વાઇરસની પકડમાં આવી રહ્યાં છે. દિલ્હીની પાટપડગંજની ખાનગી હોસ્પિટલ મેક્સ હોસ્પિટલના 33 કર્મચારીઓ કોરોના વાઇરસ પોઝિટિવ હોવાનું જાણવા મળ્યું છે.
ચિંતાની વાત એ છે કે, 33 પોઝિટિવ કર્મચારીઓમાંથી કોઈ પણ હોસ્પિટલના કોવિડ વોર્ડમાં પોસ્ટ કરાયા નહોતા. બધા કર્મચારી દિલ્હીના પાટપડગંજ સ્થિત મેક્સ હોસ્પિટલમાં કામ કરે છે.
મેક્સ હોસ્પિટલે કોરોના વાઇરસને ધ્યાનમાં રાખીને 14 એપ્રિલે તેના સ્ટાફનું પરીક્ષણ શરૂ કર્યું હતું અને આ ટેસ્ટીંગ પ્રક્રિયામાં અત્યાર સુધી હોસ્પિટલના 33 કર્મચારીઓ કોરોના વાઇરસ પોઝિટિવ હોવાનું જાણવા મળ્યું છે.
