ભોપાલ: આજે એક મોટો નિર્ણય લેતા શિવરાજે સરકારે કોરોના ચેપના વ્યાપને ધ્યાનમાં રાખીને 24 જુલાઈથી રાજધાની ભોપાલમાં 10 દિવસ માટે લૉકડાઉન લાગુ કરવાનો નિર્ણય લીધો છે. આ નિર્ણય અંતર્ગત માત્ર સરકારી રાશન દુકાનો, દવાઓ, શાકભાજી અને દૂધની દુકાનો ખોલવામાં આવશે. આ માહિતી આપતાં ગૃહપ્રધાન નરોત્તમ મિશ્રાએ કહ્યું છે કે, મુલાકાત અને મુસાફરી પર પ્રતિબંધ મૂકવામાં આવશે. લોકોને બહાર જવા માટે ઈ-પાસની વ્યવસ્થા કરવામાં આવશે.
મધ્યપ્રદેશ સરકારના ગૃહપ્રધાન નરોત્તમ મિશ્રાએ કહ્યું છે કે, 'ભોપાલની અંદર કોરોનાના વ્યાપને ધ્યાનમાં રાખીને, એવું નક્કી કરવામાં આવ્યું છે કે, 24મી જુલાઈએ રાત્રે 8:00 વાગ્યાથી, 25 જુલાઈથી 10 દિવસ સુધી સંપૂર્ણ ભોપાલમાં લોકડાઉન થાય છે. 3 ઓગસ્ટ સાંજ સુધી ચાલશે. આમાં દવાઓ, શાકભાજી, દૂધની દુકાનો, ઉદ્યોગ અને સરકારી રાશનની દુકાનો ખુલ્લી રહેશે. બાકી સંપૂર્ણ રીતે ભોપાલ લોકડાઉન રહેશે.'
વધુમાં તેમણે જણાવ્યું હતું કે, 'આવન-જાવન પર પ્રતિબંધિત રહેશે. અગાઉના લોક ડાઉનની જેમ ઇ-પાસની વ્યવસ્થા કરવામાં આવશે, કે જેના થકી લોકો આવી શકશે. માત્ર 2 દિવસમાં જ દરેકને જરૂરી ચીજો લેવાની વિનંતી કરવામાં આવે છે. સરકારી રાશનની દુકાનોને પણ આવતીકાલ સુધીમાં રાશન તમામ ગરીબોમાં વહેંચવા જણાવ્યું છે. જુલાઇનું રાશન દરેક ગરીબના ઘરે પહોંચાડવામાં આવે. આ લોકડાઉનમાં ઉદ્યોગો ખુલ્લા રહેશે તેવું પણ નક્કી કરવામાં આવ્યું છે. સરકારી કચેરીઓમાં ફક્ત જરુરી સ્ટાફ જ રહેશે. સરકારની આગામી મંત્રીમંડળની બેઠક વીડિયો કોન્ફરન્સિંગ દ્વારા થશે.'
