હૈદરાબાદ: યુનિયન પબ્લિક સર્વિસ કમિશન (Union Public Service Commission)એ આજે સિવિલ સર્વિસીઝ મુખ્ય પરીક્ષા 2022 માટે પરિણામ જાહેર (UPSC Mains Result 2022) કર્યું. પરીક્ષામાં હાજર રહેલા ઉમેદવારો સત્તાવાર upsc.gov.in વેબસાઈટ પર પરિણામ જોઈ શકે છે. મુખ્ય પરીક્ષા તારીખ 16 સપ્ટેમ્બરથી 25 સપ્ટેમ્બર સુધી સબ્જેક્ટિવ મોડમાં લેવામાં આવી હતી. આયોગે પરીક્ષામાં પાસ થયેલા ઉમેદવારોના રોલ નંબર જાહેર કર્યા છે.
પરિણામ તપાસો: સત્તાવાર રિતે upsc.gov.in વેબસાઈટની મુલાકાત લો. હોમ પેજ પર પરિણામ લિંક પર ક્લિક કરો. ત્યાર બાદ એક નવું પેજ PDF સ્વરૂપમાં ખુલશે. આ પછી PDFમાં તમારો રોલ નંબર શોધો. PDF ડાઉનલોડ કરો અને ભવિષ્યના સંદર્ભ માટે પ્રિન્ટ આઉટ લો.
ઈન્ટરવ્યુ: જેઓ મેઈન લાયક ઠરે છે તેઓને ઈન્ટરવ્યુ/વ્યક્તિત્વ કસોટી માટે શોર્ટલિસ્ટ કરવામાં આવશે. ઇન્ટરવ્યુમાં 275 માર્કસ હશે અને તેમાં કોઈ ન્યૂનતમ લાયકાતના ગુણ હશે નહીં. ત્યારબાદ પસંદ કરાયેલા ઉમેદવારો IAS, IPS, IFS, IRS અને IRTS સહિત વિવિધ અખિલ ભારતીય સેવાઓ અને કેન્દ્રીય સિવિલ સેવાઓમાં વહીવટી પોસ્ટ્સ ભરશે. પસંદ કરેલ ઉમેદવારોને યોગ્ય સમયે પર્સનાલિટી ટેસ્ટની તારીખ વિશે જાણ કરવામાં આવશે.
ઈન્ટરવ્યુનું સ્થળ: ઇન્ટરવ્યુ યુનિયન પબ્લિક સર્વિસ કમિશનની ઓફિસ, ધોલપુર હાઉસ, શાહજહાં રોડ, નવી દિલ્હી ખાતે યોજાશે. ઉમેદવારોએ યાદ રાખવું જોઈએ કે, તેમની ઉમેદવારી કામચલાઉ છે અને તેઓ તમામ બાબતોમાં લાયક જણાય છે. ઉમેદવારોએ તે સમયે તેમની પાત્રતા/આરક્ષણ દાવાઓના સમર્થનમાં અસલ પ્રમાણપત્રો જેમ કે ઉંમર, શૈક્ષણિક લાયકાત, સમુદાય, આર્થિક રીતે નબળા વિભાગ, બેન્ચમાર્ક ડિસેબિલિટી (PWBD) અને અન્ય દસ્તાવેજો જેમ કે TA ફોર્મ વગેરે રજૂ કરવાના રહેશે.
