જુઓ, યોગી સરકારમાં પ્રધાન પદ માટે કયા-કયા નામની થઇ પસંદગી

ભાજપના રાષ્ટ્રીય અધ્યક્ષ જેપી નડ્ડા, કેન્દ્રીય ગૃહપ્રધાન અમિત શાહ અને બીએલ સંતોષથી દિલ્હીમાં ગુરુવારે મુખ્યપ્રધાન યોગી આદિત્યનાથ, પ્રદેશ અધ્યક્ષ સ્વતંત્ર દેવ સિંહ અને પ્રદેશ મહાપ્રધાન સંગઠન સુશીલ બંસલ વચ્ચે યોજાયેલી એક બેઠકમાં કેબિનેટ વિસ્તરણ અને નવા પ્રધાનોના નામને લઇ મોહર લાગી છે.

• ભાજપ યોગી સરકારના મંત્રીમંડળનું વિસ્તરણ રાજકીય અને જાતિગત સમીકરણો માટે ચાલી રહ્યું છે
• યૂપીની યોગી સરકાર કેબિનેટ વિસ્તરણમાં 5-6 પ્રધાનો બનાવી શકાશે
• મંત્રિમંડળ વિસ્તરણ સાથે જ એમએલસી નામાંકનની પ્રક્રિયા પણ અટકી ગઇ છે

ઉત્તરપ્રદેશ: આવતા વર્ષે ઉત્તર પ્રદેશમાં યોજાનારી વિધાનસભાની ચૂંટણીને ધ્યાનમાં રાખીને, ભાજપ યોગી સરકારના મંત્રીમંડળનું વિસ્તરણ રાજકીય અને જાતિગત સમીકરણો માટે ચાલી રહ્યું છે. ભાજપના રાષ્ટ્રીય અધ્યક્ષ જેપી નડ્ડા, કેન્દ્રીય ગૃહપ્રધાન અમિત શાહ અને બીએલ સંતોષથી દિલ્હીમાં ગુરુવારે મુખ્યપ્રધાન યોગી આદિત્યનાથ, પ્રદેશ અધ્યક્ષ સ્વતંત્ર દેવ સિંહ અને પ્રદેશ મહાપ્રધાન સંગઠન સુનીલ બંસલ વચ્ચે થયેલી બેઠકમાં કેબિનેટ વિસ્તરણ અને નવા પ્રધાનોના નામને મોહર લાગી છે.

આ પણ વાંચો- Gujarat BJP: શું ગુજરાત ભાજપ મોદીની લોકપ્રિયતા પર નિર્ભર ?

યોગી સરકારના મંત્રિમંડળ વિસ્તરણ અને એમએલસી બનાવવા માટે ચાર નામોની સહમતિ થઇ

જેપી નડ્ડા અને અમિત શાહ સાથે થયેલી બેઠકમાં યોગી સરકારના મંત્રિમંડળ વિસ્તરણ અને એમએલસી બનાવવા માટે ચાર નામો પર સહમતિ બની છે. યૂપીની યોગી સરકાર કેબિનેટ વિસ્તરણમાં 5-6 પ્રધાનો બનાવી શકાશે. ભાજપ 2022 ની ચૂંટણીને ધ્યાનમાં રાખીને કેબિનેટમાં ભાજપના નેતાઓ તેમજ સાથીઓને સ્થાન આપીને રાજકીય સમીકરણો બનાવવાની પ્રક્રિયામાં છે.

નિષાદ પાર્ટીના અધ્યક્ષ સંજય નિષાદને મંત્રિમંડળમાં તક આપવા માટે મોહર લાગી

ભાજપના કેન્દ્રીય અને ઉત્તરપ્રદેશના શીર્ષ નેતાઓ વચ્ચે થયેલી બેઠકમાં નિષાદ પાર્ટીના અધ્યક્ષ સંજય નિષાદને મંત્રિમંડળમાં તક આપવા માટે મોહર લાગી છે. આ બેઠકમાં સંજય નિષાદ પોતે પણ શામેલ હતા અને લાંબા સમયથી ભાજપ પર દબાણ કરવા પર લાગ્યા હતા. સાથે જ રાજ્યમાં બ્રાહ્મણ સમુદાયની નારાજગી જોઈને ભાજપ જિતિન પ્રસાદ અને લક્ષ્મીકાંત વાજપેયીને પ્રધાન પણ બનાવી શકે છે. કેબિનેટમાં દલિત સમુદાયમાંથી આવનારા વિદ્યાસાગર સોનકરને પણ પ્રધાન ભાજપ બનાવી શકે છે.

જિતિન પ્રસાદ હાલમાં જ કોંગ્રેસને છોડીને ભાજપમાં જોડાઇ ગયા

ઉલ્લેખનિય છે કે, જિતિન પ્રસાદ હાલમાં જ કોંગ્રેસને છોડીને ભાજપમાં જોડાઇ ગયા હતા, જ્યારે લક્ષ્મીકાંત વાજપેયી 2014 પછી પાર્ટીમાં સાઇડલાઇન ચાલી રહ્યા હતા, પરંતું બ્રાહ્મણ સમુદાયની અવગણના કરવા બદલ બસપા અને સપાએ યોગી સરકારને ઘેરી લેવાનું શરૂ કર્યું છે. એવામાં ભાજપ પોતાના બ્રાહ્મણ સમીકરણને ઠીક કરવાનું શરૂ કર્યું છે. જ્યાં જિતિન પ્રસાદની પાર્ટી પ્રવેશ અને હવે ફરી લક્ષ્મીકાંત વાજપેયીને રાજકીય મહત્વ આપવાની દિશામાં ભાજપ પગલાં લઈ રહ્યું છે.

નવા એમએલસીમાંથી પણ એક-બે પ્રધાન બની શકે છે

રાજ્યપાલના ક્વોટામાંથી નામાંકિત થનારા એમએલસીના નામોની ચર્ચા ગુરુવારે સાંજે ભાજપના ટોચના નેતાઓ વચ્ચે પણ થઈ હતી. મંત્રિમંડળ વિસ્તરણ સાથે જ એમએલસી નામાંકનની પ્રક્રિયા પણ અટકી ગઇ છે. ચર્ચા એજ છે કે, નવા એમએલસીમાંથી પણ એક-બે પ્રધાન બની શકે છે. જિતિન પ્રસાદ, લક્ષ્મીકાંત વાજપેયી અને સંજય નિષાદને ભાજપ રાજ્યપાલ ક્વોટા દ્વારા એમએલસી બનાવીને પ્રધાન બનાવવાના પગલા ઉઠાવી શકે છે, જ્યારે વિદ્યાસાગર સોનકર પહેલાથી જ એમએલસી છે.

આ પણ વાંચો- તાલિબાન અંગે યોગીનું નિવેદન, કહ્યું - "કેટલાક લોકો અહીં પણ તાલિબાનીકરણ કરવા માંગે છે"

સાત વધુ પ્રધાન બનાવવાની ચર્ચા યોગી કેબિનેટમાં છે

ઉત્તરપ્રદેશ સરકારમાં હાલ મુખ્યપ્રધાન યોગી આદિત્યનાથ સહિત કુલ 53 પ્રધાન છે. જેમાં 23 કેબિનેટ, નવ રાજ્યપ્રધાન (સ્વતંત્ર પ્રભાર) અને 21 રાજ્યપ્રધાન છે. સાત વધુ પ્રધાન બનાવવાની ચર્ચા યોગી કેબિનેટમાં છે. યૂપીમાં હવે વિધાનસભા ચૂંટણીમાં લગભગ 6 મહિનાનો સમય બાકી છે. એવામાં સરકાર અને સંગઠન, બન્ને જાતિય અને ક્ષેત્રીય સંતુલન બનાવવાની નીતિ-રણનીતિ પર કામ કરી રહ્યા છે.