- કોરોનાની બીજી લહેરના આંકડામાં ઘટાડો નોંધાઈ રહ્યો છે
- અત્યારસુધી 42 કરોડથી વધુ લોકોને વેક્સિનનો ડોઝ અપાઈ ચુક્યો છે
- હવે શાળાઓને ફરી શરૂ કરવાનો વિચાર કરવો જોઈએ
નવી દિલ્હી: દેશમાં કોરોના (corona)મહામારીની બીજી લહેર હવે ધીમી પડી રહી છે. દરરોજ આના આંકડામાં ઘટાડો નોંધાઈ રહ્યો છે. ત્યાં, જાણકારી મુજબ દેશમાં અત્યારસુધી લગભગ 42 કરોડથી વધુ કોરોના વેક્સિન(vaccine)ના ડોઝ આપવામાં આવી ચૂક્યા છે.
દેશમાં કોરોનાની ત્રીજી લહેરનો ભય હજુ પણ છે
ઉલ્લેખનીય છે કે, દેશમાં કોરોનાની ત્રીજી લહેર(corona third wave) નો ભય હજુ પણ છે. ત્રીજી લહેરમાં બાળકો બીમાર પડે તેવી સંભાવના વ્યક્ત કરવામાં આવી રહી હતી. એ દરમિયાન, એઈમ્સના ડિરેક્ટર રણદીપ ગુલેરિયા(dr. Randeep guleria)એ નિવેદન આપ્યું છે કે, હવે શાળાઓને ફરીથી ખોલવા માટે વિચારવું જોઇએ. ઈન્ડિયા ટુડેને આપેલા ઇન્ટરવ્યુમાં તેમણે આ વાત કરી હતી. તેમણે જણાવ્યું હતું કે, હવે સમય આવી ગયો છે કે, શાળા(school)ઓ ફરીથી ખોલવા પર સંમત થવું.
બાળકો માટે ઓનલાઈન શિક્ષણ કરતા શાળાએ જવું વધુ મહત્વનું છે
ડો.ગુલેરિયાએ જણાવ્યું હતું કે, શાળા(school) શરૂ થવાના કારણે, માત્ર આપણા બાળકોને સામાન્ય જીવન જ નહીં, પણ બાળકના સર્વાંગી વિકાસમાં શાળાનું શિક્ષણ પણ ઘણું મહત્ત્વનું છે. તેમણે વધુમાં કહ્યું કે, બાળકો માટે ઓનલાઇન વર્ગો કરતાં વધુ શાળાએ જવું મહત્વપૂર્ણ છે. તેમણે કહ્યું કે, અન્ય દેશોની તુલનામાં ભારતમાં કોરોના(corona)થી સંક્રમિત બાળકોના કેસો ખૂબ ઓછા છે.
બાળકોની સારી ઇમ્યુનિટી
તેમણે કહ્યું હતું કે, ભારતમાં ખૂબ ઓછા બાળકો કોરોના વાયરસથી સંક્રમિત થઈ રહ્યા છે અને જે બાળકો આ બીમારીનો શિકાર બની રહ્યા છે, તેમની સારી ઇમ્યુનિટીના લીધે તેઓ જલ્દીથી સારા થવામાં પોતાનો ઇલાજ કરી શકશે. સીરો સર્વેમાં બહાર આવ્યું છે કે, બાળકોમાં પુખ્ત વયના લોકો કરતાં વધુ સારી એન્ટિબોડીઝ હોય છે, તેથી શાળાઓ ખોલવી જોઈએ. ઇન્ટરનેટ દ્વારા અભ્યાસ કરવો એટલો સહેલો નથી જેટલો શાળાઓમાં કરે છે.
