બેઇજિંગઃ એશિયન કપ ફૂટબોલ 2023 ટૂર્નામેન્ટ ચીનમાંથી શિફ્ટ (Asian Cup shifted from China ) કરવામાં આવશે. એશિયન ફૂટબોલ કોન્ફેડરેશન (Asian Football Confederation ) અને ટુર્નામેન્ટની સ્થાનિક આયોજક સમિતિએ શનિવારે આની જાહેરાત કરી હતી. તેમણે કહ્યું, કોવિડ-19 મહામારીને કારણે ચીનની આયોજક સમિતિ આ સમયે એશિયન કપ સ્પર્ધાનું સંપૂર્ણ આયોજન કરી શકતી નથી. AFC, ચાઈનીઝ ફૂટબોલ એસોસિએશન (Chinese Football Federation) અને સ્થાનિક આયોજક સમિતિ વચ્ચેની વાતચીત બાદ ચીનની આયોજક સમિતિ દ્વારા એક નિવેદનમાં કહેવામાં આવ્યું છે કે ચીન તરફથી એશિયન કપ 2023ને નવા શહેરમાં શિફ્ટ કરવામાં આવશે, જેની ટૂંક સમયમાં જાહેરાત કરવામાં આવશે.
આ પણ વાંચો: Khelo India University Games 2021: ખેલો ઈન્ડિયા યુનિવર્સિટી ગેમ્સમાં 4,000 એથ્લેટ્સ લેશે ભાગ
આયોજક સમિતિ ટુર્નામેન્ટની તૈયારીઓ દરમિયાન તેમના સમર્થન માટે AFC અને તમામ યજમાન શહેરોનો આભાર વ્યક્ત કરે છે, એમ સિન્હુઆ ન્યૂઝ એજન્સીના અહેવાલમાં જણાવાયું છે. એક અલગ નિવેદનમાં, AFC એ કહ્યું કે તે પ્રશંસા કરે છે કે ચીન, CFA અને સ્થાનિક આયોજક સમિતિએ AFC એશિયન કપ 2023ના સામૂહિક હિતમાં આ ખૂબ જ મુશ્કેલ નિર્ણય લીધો છે, જેણે AFCને જરૂરી સમય પૂરો પાડ્યો છે. AFC એશિયન કપ 2023ની યજમાની અંગેની સ્થિતિનું ટૂંક સમયમાં મૂલ્યાંકન કરવામાં આવશે.
આ પણ વાંચો: Women's Asian Hockey Champions Trophy 2021: ભારત 9 ડિસેમ્બરે ચીન સામે નહીં રમે, ટીમના સભ્ય કોરોના પોઝિટિવ
એશિયન ફૂટબોલ સંચાલક મંડળે જણાવ્યું હતું કે, AFC એ તૈયારીઓ દરમિયાન CFA અને AFC એશિયન કપ ચાઇના 2023 સ્થાનિક આયોજન સમિતિ સાથે નજીકથી કામ કર્યું હતું અને ટુર્નામેન્ટના લોગોને લૉન્ચ કરવા અને શંઘાઈમાં ફૂટબોલ સ્ટેડિયમનું અનાવરણ સહિત સંખ્યાબંધ સીમાચિહ્નો હાંસલ કર્યા હતા. AFCએ કહ્યું કે એશિયન કપની યજમાની સંબંધિત માહિતી યોગ્ય સમયે જાહેર કરવામાં આવશે. જૂન 2019 માં, ચીનને એશિયન કપ 2023 ની યજમાની કરવાનો અધિકાર આપવામાં આવ્યો હતો, જેમાં 24 ટીમોની સ્પર્ધા ચીનના 10 શહેરોમાં યોજાવાની હતી.
