ચેન્નઈ: ડોમેસ્ટિક એરપોર્ટના આગમન વિસ્તારમાં, આંતરરાષ્ટ્રીય એરપોર્ટ પરથી ડોમેસ્ટિક ફ્લાઈટ દ્વારા મુસાફરી કરતા મુસાફરો અને અન્ય શહેરોમાંથી ચેન્નઈ જવાની રાહ જોઈ રહેલા મુસાફરો માટે ટૂંકા ગાળાના આરામ માટે અતિ આધુનિક સુવિધાઓ સાથે પથારીઓ (Capsule beds in Chennai Airport ) ગોઠવવામાં આવી છે. આ કેપ્સ્યુલ બેડનું ઉદ્ઘાટન બુધવારે (17 ઓગસ્ટ)ના રોજ ચેન્નઈ એરપોર્ટના ડિરેક્ટર શરથ કુમાર દ્વારા કરવામાં આવ્યું હતું.
આ પણ વાંચો: દરબાર સાહિબના દર્શને આવેલા વૃદ્ધને માર મારતો વીડિયો વાયરલ
બાદમાં, મીડિયા સાથે વાત કરતા હરથ કુમારે જણાવ્યું હતું કે, "હાલમાં, ટ્રાયલ ધોરણે 4 બેડની કેપ્સ્યુલ હોટલની સ્થાપના કરવામાં આવી છે. જે મુસાફરોને ટૂંકા ગાળાના આરામ માટે બેડની સુવિધાની જરૂર હોય તેઓએ ઓનલાઈન બુકિંગ કરાવવું જોઈએ. એવું કહેવાય છે કે પ્રથમ 2 કલાક માટે રૂ. 600 અને દરેક કલાક માટે રૂ. 250 વસૂલવામાં આવશે. એક પથારીમાં એક મુસાફર અને 12 વર્ષથી ઓછી ઉંમરના એક બાળકને આરામ કરવાની છૂટ છે.
આ પણ વાંચો: હવે જીવલેણ કીડીઓની પ્રજાતીએ મચાવ્યો તરખાટ, મતૃ મળી રહ્યા પશુઓ
ચેન્નાઈ એરપોર્ટ (Chennai Airport modern facilities ) પર આ સ્લીપિંગ પોડ સુવિધા પ્રતિ કલાકના ધોરણે મેળવી શકાય છે અને તેમાં રીડિંગ લાઈટ્સ, ચાર્જિંગ સ્ટેશન, યુએસબી ચાર્જર, લગેજ સ્પેસ, એમ્બિયન્ટ લાઈટ અને બ્લોઅર કંટ્રોલ અને આલીશાન બેડ જેવી સુવિધાઓ છે. દરેક કેપ્સ્યુલમાં એક પુખ્ત અને 12 વર્ષથી ઓછી ઉંમરના બાળકને સમાવી શકાય છે. હવાઈ મુસાફરો તેમની ફ્લાઇટ ટિકિટ, બોર્ડિંગ પાસ, પીએનઆર નંબરનો ઉપયોગ કરીને બુક કરી શકે છે. નોન-એર પેસેન્જર્સને અહીં સીટ આપવામાં આવશે નહીં. મુસાફરોના પ્રતિભાવના આધારે બેડ વધારવામાં આવશે."
