ગાંદેરબલ: મધ્ય કાશ્મીરના ગાંદરબલ જિલ્લામાં બુધવારે સાંજે શ્રીનગર-કારગિલ હાઇવે પર એક કેબ રસ્તા પરથી (Zojila road accident) લપસીને ઊંડી ખીણમાં પડી જતાં પિતા-પુત્ર સહિત નવ લોકોના મોત થયા હતા અને અન્ય ઘાયલ થયા હતા. સ્ટેશન હાઉસ ઓફિસર પોલીસ સ્ટેશન (Srinagar Kargil highway accident) સોનમાર્ગ યુનિસ બશીરે જણાવ્યું હતું કે, કેબ (JK12-7466) કારગિલથી શ્રીનગર જઈ રહી હતી ત્યારે, ડ્રાઈવરે વાહન પરનો કાબૂ ગુમાવ્યો હતો અને તે ચીની નાલા પાસે 1200 ફૂટ ઊંડી ખીણમાં પડી ગઈ હતી.
આ પણ વાંચો: પાકિસ્તાનમાં ઈમરાનની 'આઝાદી માર્ચ' બની હિંસક, પોલીસે ટીયર ગેસના શેલ છોડ્યા
નવ લોકોના મોત થયા: બચાવકર્તાઓ ટૂંક સમયમાં જ એક્શનમાં આવી ગયા હતા (Nine dead in JK road accident) અને દુર્ઘટના પછી તરત જ સાત મૃતદેહો બહાર કાઢવામાં આવ્યા હતા, જ્યારે આજે સવારે વધુ બે મૃતદેહો બહાર કાઢવામાં આવ્યા હતા.પોલીસ અધિકારીએ જણાવ્યું હતું કે, આ અકસ્માતમાં નવ લોકોના મોત થયા હતા, જેમાંથી બે જમ્મુ અને કાશ્મીરના હતા, જ્યારે એક 20 વર્ષીય વ્યક્તિ ઘાયલ થયો હતો, જેને SKIMS સૌરામાં ખસેડવામાં આવ્યો હતો.
મૃતકોમાંથી સાતની ઓળખ: નવ મૃતકોમાંથી સાતની ઓળખ પૂંછના રહેવાસી લિયાકત હુસૈનના પુત્ર અઝહર ઈકબાલ, ગુજરાતના સુરતના દિલીપ કુમારના પુત્ર અંકિત દિલીપ, મંગલ માર્મોના પુત્ર ગાંધી માર્મો અને તેના પિતા મંગલ માર્મો પુત્ર કદમ મારમો ઝારખંડ તરીકે થઈ છે. પઠાણકોટ પંજાબ નિવાસી રોહિત કુમાર પુત્ર રણજીત કુમાર, કુલગામ નિવાસી અબ્દુલ રશીદ પારે પુત્ર મહંમદ અસલમ પારે, ભગવાન ચંદ પુત્ર નાનક ચંદ નિવાસી મથુરા, ઉત્તર પ્રદેશ.
આ પણ વાંચો: સ્ટેશન માસ્ટરોના આ નિર્ણયથી રેલ સેવા પ્રભાવિત, શું 31મી મેના રોજ રેલના થંભી જશે પૈડા?
ટ્રાફિક એડવાઈઝરીનું ઉલ્લંઘન: ઘાયલ મુસાફરની ઓળખ ઝારખંડના રહેવાસી દયાનંદ યાદવના પુત્ર અરવિંદ યાદવ તરીકે થઈ છે, જેની SKIMSમાં સારવાર ચાલી રહી છે. નોંધનીય છે કે ટ્રાફિક એડવાઈઝરી અનુસાર કારગિલથી શ્રીનગર જતા પેસેન્જર વાહનોને સવારે 6 વાગ્યાથી જ ચાલવાની છૂટ છે, જોકે આ વાહન ટ્રાફિક એડવાઈઝરીનું ઉલ્લંઘન કરીને શ્રીનગર તરફ જઈ રહ્યું હતું.
