'ભાજપના રાજમાં, ગુજરાત મજામાં' સ્લોગન સાથે ચૂંટણી પ્રચાર, કેન્દ્રીય પ્રધાન અનુરાગ ઠાકુર કોંગ્રેસ પર વરસ્યા

કેન્દ્રિય સાંસ્કૃતિક અને રમતગમત વિભાગના પ્રધાન અનુરાગ ઠાકુરે (Union Minister Anurag Thakur) બારડોલી ખાતે કોંગ્રેસ પર આકરા પ્રહારો કર્યા હતા. તેમણે કહ્યું કે કોંગ્રેસે અંગ્રેજોએની ભાગલા પાડો અને રાજ કરોની નીતિ અપનાવી છે. દેશને જાતિ, ધર્મના વાડામાં વહેંચાવાનું કામ કોઈએ કર્યું હોય તો તે કોંગ્રેસ છે.તેમણે આ પ્રસંગે ગુજરાતીમાં નારો આપ્યો હતો કે ‘ભાજપના રાજમાં, ગુજરાત મજામાં’.('Bhajpa na Rajma, Gujarat Maja ma')

બારડોલી: બારડોલી નગરપાલિકાની સામેના મેદાનમાં બારડોલી વિધાનસભાના ઉમેદવાર ઈશ્વર પરમારના (Bardoli Assembly candidate Ishwar Parmar) પ્રચાર અર્થે આવેલા કેન્દ્રિય પ્રધાન અનુરાગ ઠાકુરે (Union Minister Anurag Thakur) ઉપસ્થિત લોકોને સંબોધન કરતાં જણાવ્યુ કે કોંગ્રેસની ચાર ચાર પેઢીએ માત્ર એક જ નારો આપ્યો ગરીબી હટાવો (remove poverty) પરંતુ ગરીબ માણસ નાશ પામ્યો પણ ગરીબી હટી નહીં. તેમણે કહ્યું કે કોંગ્રેસે મહિલા વડાપ્રધાન ઇન્દિરા ગાંધી આપ્યા, અધ્યક્ષ સોનિયા ગાંધી આપ્યા પરંતુ તેમના સમયમાં મહિલાનો વિકાસ થયો નહીં. ગરીબ માતાના પુત્ર નરેન્દ્ર મોદીએ દેશવાસીઓની સમસ્યા જાણી તેમણે ગૅસ સિલિન્ડર, વીજળી, આરોગ્ય સુવિધા, નળ સે જળ જેવી યોજના લાગુ કરી મહિલાઓની સુખાકારીમાં વધારો કર્યો (gas cylinders, electricity, health facilities, tap water and increased the well-being of women).

નરેન્દ્ર મોદીને કારણે ભારતનો વિશ્વમાં ડંકો વાગ્યો: અનુરાગ ઠાકુરે જણાવ્યું હતું કે વિશ્વમાં ભારતનો ડંકો વાગી રહ્યો હોય તો તે માત્ર નરેન્દ્ર મોદીના પ્રતાપે જ શક્ય બન્યું છે. તેમણે ગુજરાત પર વિશ્વાસ વ્યક્ત કરતાં કહ્યું કે, ગુજરાતને જોઈને દેશ શીખે છે. ગુજરાત મોડલ દેશભરમાં પ્રખ્યાત છે. 2017માં ગુજરાતે સંકેત આપ્યો હતો કે 2019માં કેન્દ્રમાં ભાજપ સરકાર આવશે તેમ આ વખતે પણ ગુજરાતની જનતા જવાબ આપશે અને 2024માં મોદી સરકાર આવવાનું નક્કી જ છે.

'ભાજપના રાજમાં,ગુજરાત મજામાં': તેમણે આ પ્રસંગે ગુજરાતીમાં નારો આપ્યો હતો કે ‘ભાજપના રાજમાં, ગુજરાત મજામાં’. આ નારાને લોકોએ વધાવી લીધી હતો. ગુજરાતીમાં નારો લગાવતા ઉપસ્થિત લોકોમાં ગૌરવની લાગણી પેદા થઈ હતી.

કોંગ્રેસ કન્ફ્યુઝ્ડ અને ભ્રષ્ટ પાર્ટી: પત્રકારો સાથે વાત કરતાં તેમણે જણાવ્યુ હતું કે, ગુજરાત નંબર એક છે અને નંબર એક જ રહેશે. તેમણે 150થી વધુ બેઠકો આવશે તેવો વિશ્વાસ વ્યક્ત કર્યો હતો. તેમણે હિમાચલમાં પણ ભાજપની સરકાર બનવાનો દાવો કર્યો હતો. તેમણે રાહુલ ગાંધીએ વીર સાવરકર પર કરેલા નિવેદન અંગે જણાવ્યુ હતું કે, રાહુલ ગાંધીનું રાજકારણ આજ સુધી સમજાયું નથી. જે દેશના ટુકડા કરવા માગે છે તેની સાથે રાહુલ ગાંધી ઊભા રહી જાય છે. જે દેશનું નામોનિશાન મિટાવવા માગે છે તેને રડવા માટે પોતાનો ખભો આપી દે છે. ભારત જોડો યાત્રામાં પણ ટુકડે ટુકડે ગેંગને સામેલ કરી દેશને તોડવાનું કામ કરે છે. વીર સાવરકરનું અપમાન કરે છે. કોંગ્રેસ ઘણી વખત તેમની વિરુદ્ધ ટિપ્પણી કરે છે તો કેટલીક વાર પોસ્ટરમાં તેમનો ફોટો પણ મૂકે છે. કોંગ્રેસ કન્ફ્યુઝ્ડ અને ભ્રષ્ટ પાર્ટી છે.