રાજકોટ ગેમ ઝોન ફાયર એક્સિડેન્ટ પર રમેશભાઈ ઓઝાની પ્રતિક્રિયા, શું કહ્યું તે જાણવા જૂઓ આ વિડીયો - Rajkot Game Zone Fire Accident

પોરબંદરઃ આજે રાષ્ટ્રીય સ્વયં સેવક સંઘ દ્વારા નારદ જયંતિના અનુસંધાને પોરબંદરમાં યોજાયેલ એક કાર્યક્રમમાં કથાકાર રમેશભાઈ ઓઝાએ રાજકોટ આગ દુર્ઘટનાને દુઃખદ ગણાવી હતી. તેમણે જણાવ્યું હતું કે, આ કોઈ પ્રથમ વાર ઘટના બની નથી તેનું વધુ દુઃખ છે. આ પ્રજા અને પ્રશાસન ની લાપરવાહી છે . પ્રશાસને  પણ સતત ચોકસાઈ અને નિષ્ઠા પૂર્વક કાયદાનું પાલન કરાવવું પડે. ઘાયલ અને મૃતકોને સહાય કરવામાં આવે છે પરંતુ જિંદગી ગુમાવી તે દુઃખદ વાત છે. સાચી શ્રીદ્ધાજલિ આપી ત્યારે જ કહેવાશે જ્યારે તમામ અધિકારીઓને પોતાના ક્ષેત્રમાં ભ્રષ્ટાચારથી મુક્ત નિયમનું પાલન કરાવવામાં આવે. ઘણી વાર બોરવેલમાં છોકરાઓ પડી જાય છે તે ઘટનાનું પણ રિપીટેશન થાય છે. પ્રજા એ પણ જાગૃત થવાની જરૂર છે. જ્યાં પણ આ થાય ત્યાં કડક નિયમ બનાવવામાં આવે. આમ સામાન્ય સાવધાની અને ચોક્સાઈ રાખવાથી પણ આવી ઘટના અટકી શકે તેમ છે પરંતુ લાપરવાહી બરદાસ્ત નથી થતી.