પાટણ: શહેર અને આસપાસના વિસ્તારો તથા બનાસકાંઠા જિલ્લામાં પોતાની સેવાઓની સુવાસ ફેલાવનારી 1986 માં સ્થપાયેલી 38 વર્ષ જૂની પાટણની રોટરી ક્લબ દ્વારા સંચાલિત એસ.કે બ્લડ બેન્ક કે જે એક સમયની એકમાત્ર સરકાર માન્ય અને સમગ્ર ગુજરાતમાં પાંચમા ક્રમની બ્લડ બેન્કનો એવોર્ડ મેળવી ચૂકેલી એસ.કે બ્લડ બેન્ક ને આખરે તાળા મારવામાં આવ્યા છે. જેને કારણે કરોડો રૂપિયાના ખર્ચે લાવવામાં આવેલી ખાસ રક્તદાન માટેની ટેકનોલોજી ધરાવતી વાન ધૂળ ખાઈ રહી છે.
આ બ્લડ બેન્ક બંધ કરતા પહેલા તેના સંચાલક મંડળ અને સભ્યોએ એક મિટિંગમાં ઠરાવ પણ કર્યો હતો અને તે પછી આ બેંકની તમામ કામગીરી જેમાં દાન મેળવાયેલ બ્લડ યુનિટનું પ્રોસેસિંગ કરીને તેમાંથી પ્લાઝમા સહિતના જરૂરી તત્વોને છૂટા પાડવા સહિત રક્તદાન કેમ્પો યોજવાની તમામ કામગીરીને બંધ કરવામાં આવી હોવાથી કરોડો રૂપિયાની મશીનરી અને સંસ્થાનું બિલ્ડીંગ તથા સામગ્રી એક મહિનાથી ધૂળ ખાઈ રહી છે. ખેતર વસ્તી ખેતર વસી વિસ્તારમાં કાર્યરત એસ.કે બ્લડ બેન્કમાંથી જરૂરિયાત મંદ દર્દીઓને રાહત દરે બ્લડ યુનિટ આપવામાં આવતું હતું ત્યારે હવે આ બ્લડ બેન્ક બંધ થવાથી ગરીબ અને જરૂરિયાત મંદ દર્દીઓને ખાનગી બ્લડ બેંકો માંથી ઊંચા દરે બ્લડ લેવાની ફરજ પડશે.
ટેક્નિકલ સમસ્યાને લઈ બ્લડ બેન્ક બંધ કરાઈ
રોટરી ક્લબ સંચાલિત એસકે બ્લડ બેન્ક છેલ્લા ચારેક દાયકાથી કાર્યરત હતી જેમાં દરરોજ 70 થી વધુ બોટલોની સેવાઓ જરૂરિયાત મંદ દર્દીઓને રાહત દરે આપવામાં આવતી હતી પરંતુ છેલ્લા કેટલાક વર્ષોથી પ્રાઇવેટિકરણને કારણે બ્લડ સર્વિસ પર તેની માટી અસર પડી છે. છેલ્લા કેટલાક સમયથી બ્લડ બેન્કમાંથી રોજ બે યુનિટ બ્લડની સેવાઓ દર્દીઓને આપવામાં આવતી હતી જેના કારણે સંસ્થાને આર્થિક રીતે નુકસાન પણ થતું હતું તો બીજી તરફ ટેકનિકલ કારણો અને સ્ટાફના ઇસ્યુને કારણે હાલ હાલ આ બ્લડ બેન્ક બંધ કરવામાં આવી છે. આગામી સમયમાં નવા રૂપરંગ સાથે ફરીથી રોટરિટર દ્વારા બ્લડ બેન્ક સેવા શરૂ કરાશે.
3છેલ્લા ચાર દાયકા થી પાટણ અને આસપાસના પંથકના જરૂરિયાત મંદ દર્દીઓને રક્તની રાહત દરે સુવિધા પૂરી પાડતી એસ.કે બ્લડ બેન્કની સેવાઓ એકાએક બંધ કરાતા ગરીબ અને મધ્યમ વર્ગના દર્દીઓને બ્લડ માટે આર્થિક બોજો સહન કરવો પડશે.
