Cop sexually Assaults Woman: રક્ષક જ ભક્ષક બન્યા, મહિલાને પોલીસ કર્મચારીએ બનાવી જાતીય દુષ્કર્મનો શિકાર

પોલીસ કર્મચારીએ માનવતાની તમામ હદ વટાવતા મહિલા બુટલેગરને જાતીય દુષ્કર્મનો શિકાર બનાવતા મહિલાએ ઉના પોલીસમાં ફરિયાદ નોંધાવી હતી. પોલીસે બે પોલીસ કર્મચારી એક હોમગાર્ડનો કર્મચારી અને અન્ય એક કર્મચારીની મહિલાને જાતીય દુષ્કર્મના શિકાર કરવા માટે અટકાયત કરીને ધોરણસરની કાર્યવાહી શરૂ કરી છે.

જૂનાગઢ: માનવતાને શર્મસાર કરે તે પ્રકારનો અતિ ધ્રુણાસ્પદ કિસ્સો ગીર ગઢડા પોલીસ માથકમાં સામે આવ્યો છે. સમગ્ર મામલામાં દેશી દારૂના વ્યવસાય સાથે સંકળાયેલી મહિલા બુટલેગરને પોલીસના કર્મચારીઓની સાથે હોમગાર્ડનો એક અને અન્ય એક કર્મચારીએ મળીને પાછલા એક વર્ષથી જાતીય દુષ્કર્મનો શિકાર બનાવતા મહિલાએ તમામ લોકો વિરુધ ઉના પોલીસમાં મથકમાં ફરિયાદ નોંધાવી હતી. ફરિયાદના આધારે સોમનાથ પોલીસે બે પોલીસ કોન્સ્ટેબલ એક હોમગાર્ડ નો જવાન અને અન્ય એક કર્મચારી મળીને કુલ ચાર વ્યક્તિઓની મહિલા બુટલેગર પર જાતીય દુષ્કર્મના આરોપ અટકાયત કરીને કાર્યવાહી શરૂ કરી છે.

મહિલાને પોલીસ કર્મચારીએ બનાવી જાતીય દુષ્કર્મનો શિકાર

પોલીસ અધિક્ષક મનોહરસિંહ જાડેજાએ સમગ્ર મામલામાં વિગતો આપતા જણાવ્યું હતું કે મહિલાની ફરિયાદને આધારે તાત્કાલિક પોલીસે કામગીરી શરૂ કરીને પોલીસના બે કર્મચારી એક હોમગાર્ડ અને અન્ય એક કર્મચારીની અટકાયત કરી છે. ફરિયાદી મહિલાને ફરી એક વખત નિવેદન માટે બોલાવવામાં આવશે ત્યારબાદ તેને તબીબી પરીક્ષણ માટે પણ મોકલવામાં આવશે પોલીસ તરફથી કોઈ મુદ્દાને લઈને ફરિયાદ દાખલ થઈ શકે છે. મહિલાએ જે રીતે નિવેદન આપ્યું છે તે મુજબ પોલીસ સિવાયનો અન્ય એક કર્મચારી કે જેણે પોલીસ તરીકેની ઓળખ આપીને મહિલાને દુષ્કર્મનો શિકાર બનાવી છે તેના પુરાવા મળતા જ પોલીસ પરેશ નામના આરોપી વિરુદ્ધ નવી ફરિયાદ પણ દાખલ કરી શકે છે.