અમદાવાદ : પશ્ચિમ રેલવે દ્વારા યાત્રીઓની સુવિધા અને જન્માષ્ટમી તહેવારને ધ્યાનમાં રાખીને અમદાવાદ અને ઓખા વચ્ચે જન્માષ્ટમી ફેસ્ટિવલ સ્પેશિયલ ટ્રેન વિશેષ ભાડા પર ચલાવવાનો નિર્ણય લેવામાં આવ્યો છે.
જન્માષ્ટમી સ્પેશિયલ ટ્રેન : પશ્ચિમ રેલવે વિભાગ દ્વારા આપેલ માહિતી અનુસાર ટ્રેન નંબર 09453/09454 અમદાવાદ-ઓખા સુપરફાસ્ટ સ્પેશિયલ કુલ 2 ટ્રિપમાં દોડશે. જેમાં ટ્રેન નંબર 09453 અમદાવાદ-ઓખા સ્પેશિયલ 25 ઓગસ્ટ, 2024 રવિવારના રોજ અમદાવાદથી સવારે 07:45 કલાકે ઉપડશે તથા એ જ દિવસે સાંજે 5:00 કલાકે ઓખા પહોંચશે.
રીટર્ન ટ્રીપ : આ રીતે ટ્રેન નંબર 09454 ઓખા-અમદાવાદ સ્પેશિયલ 26 ઓગસ્ટ, 2024 સોમવારના રોજ ઓખાથી સવારે 05:30 કલાકે ઉપડશે તથા એ જ દિવસે બપોરે 1:00 કલાકે અમદાવાદ પહોંચશે. માર્ગમાં બંને દિશાઓમાં આ ટ્રેન ચાંદલોડિયા, વિરમગામ, સુરેન્દ્રનગર, થાન, વાંકાનેર, રાજકોટ, હાપા, જામનગર, ખંભાળીયા અને દ્વારકા સ્ટેશનો પર રોકાશે. આ ટ્રેનમાં સ્લીપર અને જનરલ શ્રેણીના કોચ હશે.
બુકિંગ કેવી રીતે કરશો : જન્માષ્ટમી સ્પેશિયલ ટ્રેન નંબર 09453/09454 માટે બુકિંગ તારીખ 31 જુલાઈ, 2024 થી તમામ PRS કાઉન્ટરો અને of IRCTC વેબસાઈટ પર શરૂ થશે. ઉપરાંત આ ટ્રેનોના માર્ગ, સમય, રોકાણ અને સંરચના સંબંધિત વિગતવાર માહિતી માટે યાત્રી ભારતીય રેલવે વિભાગની સત્તાવાર વેબસાઇટ www.enquiry.indianrail.gov.in પર જઈને જોઈ શકે છે.
