સાબરકાંઠા: હિંમતનગર સિવિલ હોસ્પિટલમાં શંકાસ્પદ ચાંદીપુરા વાયરસથી 5 બાળકોના મોત થયા હોવાની ખબરથી સમગ્ર જિલ્લામાં ખળભળાટ સર્જાયો છે. હિંમતનગર સિવિલ માં વધુ બે શંકાસ્પદ ચાંદીપૂરા વાયરસનો કેસ નોંધાયા બાદ પોષિના તાલુકાના નાડા ગામનું 3 વર્ષીય બાળકનું મોત થયું છે. સિવિલ ખાતે અત્યાર સુધીમાં ટોટલ 8 કેસ નોંધાયાથી હડકંપ સર્જાયો છે. જેમાં શંકાસ્પદ ચાંદીપુરા કેસમાં અત્યાર સુધીમાં 5 બાળકના મોત થઈ ચૂક્યા છે અન્ય બે બાળકોની તબિયત સુધારા તરફ છે.
PICUમાં 3 બાળકોની સારવાર ચાલું: અરવલ્લીના મેઘરજ તાલુકાનો દાખલ કરાયેલ બાળકની તબિયત નાજુક જણાતા વધુ સારવાર હાથ ધરવામાં આવી રહી છે. હિંમતનગર સિવિલ હોસ્પિટલમાં PICUમાં 3 બાળકોની સારવાર કરવામાં આવી રહી છે. વાયરસ મામલે ગત રોજ પુના મોકલાયેલા સેમ્પલના પરિણામ આવતીકાલે સોમવારે મળશે. હાલમાં મોતનો કુલ આંકડો 5 અને કુલ 8 કેશ થતા જિલ્લામાં હડકંપ મચી ગયો છે. સાબરકાંઠાના 3 અરવલ્લી જિલ્લા 4 અને અન્ય એક કેસ રાજસ્થાનમાં મળી કુલ 8 કેસ નોંધાયા છે...
આ પણ વાંચો:
