ગ્રેટર નોઈડા-નોઈડા: નોઈડાના સેક્ટર 63ના બી બ્લોકમાં ઘરની સામે તેની માતા સાથે રમતી એક નાની બાળકીને એક કારચાલકે કચડી નાંખી હતી. ઘાયલ બાળકીને કૈલાશ હોસ્પિટલમાં દાખલ કરવામાં આવી છે. જ્યાં તેની હાલત નાજુક જણાવાઈ રહી છે. આ સમગ્ર ઘટનાનો વીડિયો સોશિયલ મીડિયા પર વાયરલ થઈ રહ્યો છે.
કાર ચાલકે બાળકીને કચડી: ઘટનાનો વીડિયો સામે આવ્યો છે જેમાં સ્પષ્ટપણે જોઈ શકાય છે કે, એક મહિલા તેની દિકરી સાથે તેના ઘરની બહાર રોડ પર જોવા મળી રહી છે, આ દરમિયાન એક સફેદ કાર સ્પીડમાં આવે છે અને બાળકીને કચડીને જતી રહે છે. ઘટના બાદ કારમાં બેઠેલી વ્યક્તિ બહાર આવે છે અને આસપાસના લોકો એકઠા થઈ જાય છે. બાળકીની માતા તરત જ છોકરીને ઉપાડે છે અને હતાશ અવસ્થામાં અહીં-ત્યાં દોડવા લાગે છે. પછી લોકો તેને હોસ્પિટલ લઈ જાય છે, જ્યાં બાળકી જીવન અને મૃત્યુ વચ્ચે ઝોલા ખાઈ રહી હોવાનું જાણવા મળી રહ્યું છે.
શું કહે છે પોલીસઃ ઘટના અંગે પોલીસનું કહેવું છે કે સેક્ટર-63 પોલીસ સ્ટેશન વિસ્તારમાં 28/29 જૂનની રાત્રે બાળકીનો અકસ્માત થયો હતો. જેની ખાનગી હોસ્પિટલમાં સારવાર ચાલી રહી છે. પોલીસને આ કેસની માહિતી સોશિયલ મીડિયા દ્વારા મળી હતી. બનાવની તાત્કાલીક નોંધ લઈ પોલીસ સ્ટેશન-63 એ ગંભીર કલમો હેઠળ ગુનો નોંધી આગળની કાર્યવાહી હાથ ધરી છે. ઘટના સાથે સંબંધિત વાહનની ઓળખ કરી લેવામાં આવી છે. આરોપી કાર ચાલકને પકડવા માટે ટીમો બનાવવામાં આવી છે. બાળકીની સારી સારવાર માટે હોસ્પિટલ પ્રશાસનનો સંપર્ક કરવામાં આવ્યો છે.
