સુરત: આજે છે ભારતીય જનતા પાર્ટીનો સ્થાપના દિવસ. આજે અમે ભારતીય જનતા પાર્ટીના એક એવા નેતા વિશે વાત કરીશું જેમણે ગુજરાતમાં પાર્ટીને મજબૂત કરવામાં મહત્વની ભૂમિકા ભજવી હતી. પરંતુ તત્કાલિન મુખ્યમંત્રી નરેન્દ્ર મોદીથી નારાજ થઈને તેઓ બીજી પાર્ટીમાં જોડાઈ ગયા. આ નેતા એટલે સુરતથી છ વખત સાંસદ રહી ચૂકેલા કાશીરામ રાણા.
કાશીરામ રાણાનો જન્મ 7 એપ્રિલ, 1938ના રોજ થયો હતો. કાયદાના સ્નાતક તરીકે, તેઓ સામાજિક કાર્ય તરફ આકર્ષાયા અને ટૂંક સમયમાં જ જમણેરી રાજકારણમાં ઝંપલાવ્યું. 1975 માં, તેઓ 17 અન્ય જનસંઘના ઉમેદવારો સાથે પ્રથમ વખત ગુજરાત વિધાનસભામાં ચૂંટાયા હતા.
બે વખત કાપડ પ્રધાન બન્યા
વર્ષ 1989માં તેઓ ગુજરાતના સુરત મતવિસ્તારમાંથી 9મી લોકસભા માટે ચૂંટાયા હતા. તેઓ 1991, 1996, 1998, 1999 અને 2004માં આ જ મતવિસ્તારમાંથી લોકસભામાં ફરી ચૂંટાયા હતા. તેમણે 1998-2004 દરમિયાન અટલ બિહારી વાજપેયીની આગેવાની હેઠળની NDA સરકારમાં બે વખત કાપડ વિભાગમાં કેન્દ્રીય કેબિનેટ મંત્રી તરીકે સેવા આપી હતી. 31 ઓગસ્ટ 2012ના રોજ તેમનું અવસાન થયું હતું.
મારા વાવેલા વૃક્ષની છાયામાં મને જ બેસવા દેવામાં નથી આવ્યા
કાપડ મંત્રી રહેલા રાણાએ તત્કાલીન ગુજરાતના સીએમ નરેન્દ્ર મોદી અને ભાજપ સાથે સંબંધો તોડી નાખ્યા હતા. રાણાએ પૂર્વ મુખ્યમંત્રી કેશુભાઈ પટેલ સાથે મળીને ગુજરાત પરિવર્તન પાર્ટીની રચના કરી અને આગામી વિધાનસભાની ચૂંટણી ભાજપ સામે લડવાની જાહેરાત કરી. મોદી સત્તામાં આવ્યા બાદ રાણા ભાજપમાં અવગણના અનુભવતા હતા. તેઓએ તત્કાલીન પાર્ટી અધ્યક્ષ નીતિન ગડકરીને લખેલા પત્રમાં તેમણે એવી પણ ફરિયાદ કરી હતી કે તેમને તેમણે વાવેલા વૃક્ષની છાયામાં પણ બેસવા દેવામાં નથી આવી રહ્યા.
GPPની રચનામાં મુખ્ય ભૂમિકા
પ્રથમ વખત દક્ષિણ ગુજરાતના કોઈ નેતાને ગુજરાત ભાજપની કમાન મળી હતી. રાણા 1991 થી 1996 સુધી ગુજરાત ભાજપના પ્રદેશ અધ્યક્ષ હતા. જો કે તેઓ 1980 અને 1985ની વિધાનસભાની ચૂંટણીઓ હારી ગયા હતા, તેમ છતાં તેઓ 1989માં લોકસભાની ચૂંટણી જીત્યા હતા અને 2009 સુધી સાંસદ રહ્યા હતા, જ્યારે તેમને ગુજરાતના મુખ્ય પ્રધાન નરેન્દ્ર મોદીના આદેશ પર ટિકિટ નકારવામાં આવી હતી. રાણા વધુને વધુ પક્ષની અંદરથી દૂર થઈ રહ્યા હતા અને તેઓ કેશુભાઈ પટેલનો પક્ષ લીધો હતો અને ગુજરાત પરિવર્તન પાર્ટી (GPP) ની રચનામાં મુખ્ય ભૂમિકા ભજવી હતી. હ્રુદય હુમલા થી તેમનું મૃત્યુ પામ્યા હતા
