ઉત્તરાખંડ: આ વખતે ચારધામ યાત્રામાં અનેક રંગો જોવા મળી રહ્યા છે. ચારધામ યાત્રાને લઈને ભક્તોમાં અનેરો ઉત્સાહ જોવા મળી રહ્યો છે. ત્યારે સુરતમાંં રહેતા અશોક જીણાભાઈ કાગડ પોતાની 8 વર્ષની દિકરી ક્રિષ્ના કાગડને ગુજરાતથી સાયકલ પર ચારધામની યાત્રા પર નીકળ્યા છે. અત્યાર સુધીમાં આ પિતા-પુત્રીએ સાયકલ પર દ્વારકા અને બદ્રીનાથ એમ બે ધામની યાત્રા પણ કરી લીધી છે. શ્રીનગરમાં આરામ કર્યા બાદ પિતા-પુત્રી જગન્નાથ અને રામેશ્વરમની યાત્રાએ નીકળશે. બંને પિતા-પુત્રી પશુપતિનાથના દર્શન કરવા માટે સાયકલ પર નેપાળ પણ જશે.
સાયકલ પર ચારધામની યાત્રાએ નીકળેલા અશોક જીણાભાઈએ જણાવ્યું હતું કે, તેઓ ગુજરાતમાં ગરીબોને મદદ કરતા નીતિન જાની માટે કંઈક કરવા માટે થઈને ચારધામના દર્શનાર્થે નીકળ્યા છે. તેમણે કહ્યું કે તેઓ ચારધામ યાત્રા પર જઈને સામાજિક કાર્યકર નીતિન જાની માટે પ્રાર્થના કરશે. અશોકભાઈએ જણાવ્યું હતું કે, તેમની દિકરી ક્રિષ્નાએ જે તેમને ચારધામ યાત્રા પર જવા માટે પ્રેરિત કર્યા હતાં. સૌથી પહેલા ક્રિષ્ના જ નીતિન જાનીના કામથી પ્રભાવિત થઈ અને તેણે તેમના પિતાને નીતિન વિશે જણાવ્યું. ત્યાર બાદ પિતા-પુત્રીએ નીતિન માટે કંઈક કરવાનું નક્કી કર્યું અને ચારધામ યાત્રાએ નીકળી પડ્યા.
8 વર્ષીય ક્રિષ્નાએ જણાવ્યું હતું કે તેઓ ગુજરાતના પ્રખ્યાત સામાજિક કાર્યકર નીતિન જાની માટે ચારધામ યાત્રાએ નીકળ્યા છે. તેમણે કહ્યું કે નીતિન નિરાધાર અને બેઘર લોકોની મદદ કરે છે. તેણે વધુમાં કહ્યું કે તે પણ નીતિન જાની માટે કંઈક કરવા માંગે છે. પરંતુ દરેકની સેવા કરનારને તે શું આપી શકે? કહ્યું કે આથી તેણે ચારધામ જઈને નીતિન જાની માટે પ્રાર્થના કરવાનું વિચાર્યું. તેણીએ કહ્યું કે નીતિન ગરીબોની મદદ કરે છે, જેના કારણે તે ભવિષ્યમાં સમાજની સેવા કરવા સક્ષમ બનવા માંગે છે. નીતિન જાની માટે ભગવાન બદ્રીનાથની પ્રાર્થના પણ કરી હતી. તેમણે કહ્યું કે અત્યાર સુધી તેઓ દ્વારકા અને બદ્રીનાથની મુલાકાત લઈ ચૂક્યા છે અને ઉત્તરાખંડ આવીને તેમને સારું લાગ્યું છે.
