Dahod Crime : દાહોદ એલસીબીએ માતાવા ગેંગના બે ચોરને દબોચ્યા, 12 ગુનાનો ભેદ ઉકેલાયો

ગુજરાતમાં ઘરફોડ ચોરીનો છેલ્લા કેટલાક સમયથી ચિંતાજનક પડકાર આપનાર બે આરોપીને દાહોદ એલસીબીએ ઝડપી પાડી કાયદેસરની કાર્યવાહી હાથ ધરી છે. જેમાં માતવા ગેંગનો વિનોદભાઈ લાલાભાઇ વેસ્તાભાઈ ભાભોર અને જેસનભાઈ ઉર્ફે મુકેશભાઈ નાગજીભાઈ ભાભોરની વધુ પૂછપરછ હાથ ધરાઇ છે.

દાહોદ : દાહોદ જિલ્લામાં તથા રાજ્યમાં ઘરફોડ ચોરી આંતકં મચાવનાર માતવા ગેંગના મળીને 2 સાગરીતો દાહોદ એલસીબીએ ટેકનિકલ સોર્સના મદદથી ઝડપી પાડી 12થી વધુ ગુનાઓનો ભેદ ઉકેલવામાં આવ્યો છે. જેમાં માતવા ગેંગનો વિનોદભાઈ લાલાભાઇ વેસ્તાભાઈ ભાભોર માતવા મકોડિયા ફળિયુને અને જેસનભાઈ ઉર્ફે મુકેશભાઈ નાગજીભાઈ ભાભોર છરછોડા વેડ ફળિયું દાહોદ એલસીબીએ હોવાની માહિતીના આધારે ઝડપી પાડી તેની પાસેથી 2,75,350થી પણ વધુના ચાંદીના દાગીનાનો રોકડ વગેરે મળીને મુદ્દામાલ કબજે કર્યો હતો.

બાતમી મળી હતી : આરોપીઓ ગુનાહિત પ્રવૃત્તિ ધરાવે છે જે અગાઉથી પણ ગુનામાં ઝડપાઈ ચૂકેલ છે તથા દાહોદ એલસીબીએ નસિરપુર ગામેથી દરગાહ સામે રસ્તા ઉપર બે વ્યક્તિ શંકાસ્પદ માલ સામાન સાથે ઉભા છે. તેવી બાતમીના આધારે તે દરમિયાન દાહોદ એલસીબીએ બંને શકમંદો ઝડપી પાડી વધુમાં જણાવ્યું હતું.

ગાંધીનગર જિલ્લાના ડભોડા પોલીસ સ્ટેશન વિસ્તારમાં પોતાના સાગરીતો સાથે મળી એક મકાનનો ધક્કો મારી દરવાજા તોડી અંદર પ્રવેશી દંપતિને બાનમાં લઈ માર મારી તેમણે પહેરેલા સોનાચાંદીના દાગીના તથા એક રૂમમાં બંધક બનાવી લોખંડના સળિયાથી તિજોરી અને કબાટ તોડીને તેમાંથી ચોરી કરેલ હતી. જેમાંથી તેમની પાસેથી સોનાની વીટી એક સોનાની ચેન બે ચાંદીના છડા એક જોડ ચાંદીની લકી 10 પીળી ધાતુની રુદ્રાક્ષની ઇમિટેશન ચેન એક લોખંડનો સળીયો બે નંગ એક મોબાઈલ એક ચાર્જર 1 અને બંને આરોપી પાસેથી મળેલ 22,500 મળી કુલ રુપિયા 2,75,350 નો મુદ્દામાલ કબજે કરાયો હતો...કે. સિદ્ધાર્થ ( એએસપી દાહોદ )

12થી વધુ ગુનાઓનો ભેદ ખુલ્યો : પૂછપરછ કરતા દાહોદ ગાંધીનગર કલોલ ડભોડા વડોદરા પાટણ પંચમહાલ મહેસાણા લીમડી ખાતે ચોરીમાં સંડોવાયેલ હોવાનું ખુલવા પામી હતું. જેની વધુ પૂછપરછ કરતા બંને આરોપીએ કરેલા 12થી વધુ ગુનાઓનો ભેદ ઉકેલાવા પામ્યો હતો. ગુજરાતના દાહોદ ગાંધીનગર ડભોડા કલોલ સેક્ટર 21 બાપોદ વડોદરા પાટણ પંચમહાલ મહેસાણા લીમડી જિલ્લાઓમાંના જુદા જુદા વિસ્તારોમાં 12 જેટલી ઘરફોડ ચોરી આચરનાર 2 આરોપીને દાહોદ એલસીબીએ ઝડપી પાડી વધુ તપાસ સાથે બીજા સાગરીતો ઝડપી પાડવા રિમાન્ડ મેળવવાની તજવીજ હાથ ધરી છે.

આરોપીઓ રીઢા ગુનેગાર : પકડાયેલ આરોપીઓ ગુનાહિત ઇતિહાસ ધરાવે છે. જેમાં વિનોદભાઈ લાલાભાઇ ભાભોર દાહોદ કલોલ ડભોડા ગાંધીનગર સેક્ટર 21 વડોદરા શહેર પાટણ પંચમહાલ મહેસાણામાં પોતાના સાગરીતો સાથે મળી 11 જેટલા ગુનાઓને અંજામ આપ્યો હતો. જ્યારે બીજો આરોપી જેસનભાઈ નાગજીભાઈ ભાભોર લીમડી પોલીસ સ્ટેશનમાં ગુનો નોંધાયેલ છે. બંને આરોપીઓ પાસેથી ખાતરીયુંઓ પાડવાનો લોખંડનો સળીયો સોનાચાંદીના દાગીના રોકડા રૂપિયા મળી 2,75,350 નો મુદ્દામાલ સાથે ઝડપાયો હતો.