'આ જીતે ભારતની રમતગમત યાત્રામાં એક નવો અધ્યાય ઉમેર્યો' પીએમ મોદી અને વિશ્વનાથ આનંદે ચેસ ચેમ્પિયનને પાઠવ્યા અભિનંદન… - PM Modi And Viswanathan Anand

ઈન્ટરનેશનલ ચેસ ફેડરેશન (FIDE) ના ઉપાધ્યક્ષ અને ભારતના ગ્રાન્ડ માસ્ટર વિશ્વનાથન આનંદ અને વડાપ્રધાન મોદીએ 45મા ચેસ ઓલિમ્પિયાડમાં સુવર્ણ ચંદ્રક જીતવા બદલ ભારતીય પુરૂષ અને મહિલા બંને ટીમોને અભિનંદન પાઠવ્યા હતા. India won Gold in Chess Olympiad

ચેન્નાઈ (તામિલનાડુ): 22 સપ્ટેમ્બરના રોજ હંગેરીની રાજધાની બુડાપેસ્ટમાં રમાયેલ 45મા ચેસ ઓલિમ્પિયાડના અંતિમ રાઉન્ડમાં ભારતીય પુરુષ ટીમે સ્લોવેનિયા (મધ્ય યુરોપ) અને મહિલા ટીમે અઝરબૈજાનને (યુરોપ, એશિયા) હરાવીને ગોલ્ડ મેડલ જીત્યો છે. ભારતની ઐતિહાસિક જીત બાદ ભારતીય ચેસ ગ્રાન્ડમાસ્ટર વિશ્વનાથન આનંદે, ETV ભારત સાથેના તેમના પ્રથમ વિડિયો ઇન્ટરવ્યુમાં, ચેસ ઓલિમ્પિયાડના ઇતિહાસમાં પ્રથમ વખત સુવર્ણ ચંદ્રક જીતવા બદલ ભારતીય ટીમને અભિનંદન પાઠવ્યા છે.

વિશ્વનાથન આનંદે ભારતીય પુરુષ અને મહિલા ટીમને અભિનંદન પાઠવ્યા:

તેમણે કહ્યું કે, 'ચેસ ઓલિમ્પિયાડમાં ગોલ્ડ જીતનાર ભારતીય ટીમે શાનદાર પ્રદર્શન કર્યું છે. એકંદરે ભારતીય ટીમે ઘણું સારું પ્રદર્શન કર્યું હતું. ભારતીય ટીમના ખેલાડીઓ આજે એવી પરિસ્થિતિઓમાં રમ્યા જેની સરખામણી અન્ય કોઈ ટીમ સાથે ન થઈ શકે.'

વિશ્વનાથ આનંદ અને વડાપ્રધાન નરેન્દ્ર મોદી ((ETV Bharat))

આ સિરીઝમાં ભારતીય ટીમે એક સિવાયની તમામ મેચોમાં શાનદાર પ્રદર્શન કર્યું હતું. ખાસ કરીને અર્જુન અને ગુકેશે ટીમ માટે શાનદાર પ્રદર્શન કર્યું છે. ભારતીય ટીમ દ્વારા રમાયેલી તમામ મેચોમાં વિરોધી ટીમોએ પણ શાનદાર પ્રદર્શન કર્યું હતું. આ ઉપરાંત ભારતીય ટીમના ખેલાડીઓએ પણ સયંમ રાખી સૂઝબૂઝ ભરી રમી છે. આ વખતે આપણે બે વર્ષ પહેલા મળેલી તકનો પૂરેપૂરો ફાયદો ઉઠાવ્યો અને ગોલ્ડ મેડલ જીત્યો. હું ખૂબ જ ખુશ છું કે ભારતીય ટીમ સારી રીતે રમી અને મેડલ જીત્યો.'

🇮🇳 India wins the 45th FIDE #ChessOlympiad! 🏆 ♟️

Congratulations to Gukesh D, Praggnanandhaa R, Arjun Erigaisi, Vidit Gujrathi, Pentala Harikrishna and Srinath Narayanan (Captain)! 👏 👏

Gukesh D beats Vladimir Fedoseev, and Arjun Erigaisi prevails against Jan Subelj; India… pic.twitter.com/jOGrjwsyJc

— International Chess Federation (@FIDE_chess) September 22, 2024

'ભારતીય મહિલા ટીમે પણ આ શ્રેણીમાં શાનદાર પ્રદર્શન કર્યું હતું. આ સિરીઝમાં તેમણે ભૂલ કરી હોવા છતાં તેમણે રમત બંધ ન કરી અને તેની સામે રમવાનું ચાલુ રાખ્યું. મહિલા ટીમના કોચ સારું કોચિંગ અને નેતૃત્વ આપી રહ્યા છે. આપણે બધાએ તેની પ્રશંસા કરવી જોઈએ. બંને ટીમોને અભિનંદન.'

તેમણે કહ્યું, 'ભારતના ચેસ ગ્રાન્ડમાસ્ટર તરીકે મને ખૂબ જ ખુશી અને ગર્વ છે કે ભારતીય ટીમે ચેસ ઓલિમ્પિયાડમાં ગોલ્ડ મેડલ જીત્યો છે.'

Historic gold❤️ pic.twitter.com/oH4Be9Ztov

— Kuwar Prateek Singh (@PrateekRajwada) September 22, 2024

વડાપ્રધાન મોદીએ પાઠવ્યા અભિનંદન:

પીએમ મોદી ભારતીય ચેસ ચેમ્પિયનને તેમના X હેન્ડલ પર પોસ્ટ કરી આ ઐતિહાસિક જીત બદલ બંને ટીમને અભિનંદન પાઠવ્યા હતા, તેમણે લખ્યું કે, અમારી ચેસ ટીમે 45મી #FIDE ચેસ ઓલિમ્પિયાડ જીતી હોવાથી ભારત માટે ઐતિહાસિક વિજય દિવસ છે, ભારતે ચેસ ઓલિમ્પિયાડમાં ઓપન અને મહિલા બંને કેટેગરીમાં ગોલ્ડ મેડલ જીત્યા છે! અમારી અદભૂત પુરુષો અને મહિલા ચેસ ટીમોને અભિનંદન. આ નોંધપાત્ર સિદ્ધિ ભારતની રમતગમતની યાત્રામાં એક નવો અધ્યાય ઉમેરે છે. એવી આશા છે કે, આ સફળતા ચેસના શોખીનોની પેઢીઓને રમતમાં ઉત્કૃષ્ટ દેખાવ કરવા પ્રેરણા આપશે.'

Historic win for India as our chess contingent wins the 45th #FIDE Chess Olympiad! India has won the Gold in both open and women’s category at Chess Olympiad! Congratulations to our incredible Men's and Women's Chess Teams. This remarkable achievement marks a new chapter in… pic.twitter.com/FUYHfK2Jtu

— Narendra Modi (@narendramodi) September 22, 2024

ભારતે અગાઉ ચેસ ઓલિમ્પિયાડની 2014 અને 2022 બંને આવૃત્તિઓમાં બ્રોન્ઝ મેડલ જીત્યા છે. કોરોનાને કારણે 2020 અને 2021ની સ્પર્ધાઓ વર્ચ્યુઅલ રીતે યોજાઈ હતી. 2020માં ભારતે રશિયા સાથે સંયુક્ત રીતે ગોલ્ડ જીત્યો હતો. અને ભારતે 2021ની સ્પર્ધામાં બ્રોન્ઝ મેડલ જીત્યો હતો. જો કે, વર્ચ્યુઅલ ટુર્નામેન્ટના પરિણામો સત્તાવાર રીતે નોંધાયેલા નથી. આ વખતે ગોલ્ડ જીતીને, તે સત્તાવાર રીતે ભારતનો પહેલો ગોલ્ડ છે. આ ઉપરાંત એ પણ નોંધનીય છે કે આ વખતે ભારતને બંને કેટેગરીમાં ગ્રીન મેડલ મળ્યા છે.

આ પણ વાંચો: