નવી દિલ્હીઃ બિહારના પૂર્વ ડેપ્યુટી સીએમ તેજસ્વી યાદવ, જેઓ પોતાના ફની નિવેદનોને કારણે ચર્ચામાં રહે છે. તેમણે હવે પોતાની ક્રિકેટ જર્ની શેર કરીને લોકોનું ધ્યાન પોતાની તરફ ખેંચ્યું છે. બિહારના પૂર્વ મુખ્યમંત્રી લાલુ પ્રસાદ યાદવના પુત્ર અને આરજેડી નેતા તેજસ્વીએ દાવો કર્યો છે કે, ટીમ ઈન્ડિયાના સ્ટાર બેટ્સમેન વિરાટ કોહલી ડોમેસ્ટિક ક્રિકેટમાં તેમની કેપ્ટનશિપમાં રમ્યા છે. તેણે એવો પણ દાવો કર્યો છે કે, ભારતીય ક્રિકેટ ટીમના ઘણા વર્તમાન ખેલાડીઓ તેના બેચમેટ હતા.
Tejaswi Yadav said, " virat kohli used to play under my captaincy. i was very good at cricket, but due to injuries i had to leave it. virat and i played together for delhi". (zee). pic.twitter.com/HREKLkfssn
— Mufaddal Vohra (@mufaddal_vohra) September 14, 2024
વિરાટ કોહલી મારી કેપ્ટનશીપમાં રમ્યો:
તેજસ્વી યાદવે ઝી મીડિયાને આપેલા ઈન્ટરવ્યુમાં કહ્યું, 'હું એક ક્રિકેટર હતો અને તેના વિશે કોઈ વાત કરતું નથી. વિરાટ કોહલી મારી કેપ્ટનશીપમાં રમ્યો - શું કોઈએ ક્યારેય તેના વિશે વાત કરી છે? તેઓ આ કેમ નથી કરતા? એક પ્રોફેશનલ તરીકે મેં સારી ક્રિકેટ રમ્યું છે. ટીમ ઈન્ડિયાના ઘણા ખેલાડીઓ મારા બેચમેટ છે.' રાજનેતાએ એ પણ ખુલાસો કર્યો છે કે, તેને ક્રિકેટ કેમ છોડવું પડ્યું. તેણે કહ્યું, 'મારા બંને અસ્થિબંધન ફ્રેક્ચર થવાને કારણે મારે (ક્રિકેટ) છોડવું પડ્યું હતું'.
Well he is not wrong. He is talking about his dream11 cricket
— Mohit Jain (@datawithmohit) September 14, 2024
નેટીઝન્સે મજેદાર જવાબો આપ્યા:
તેજસ્વીનું આ નિવેદન સોશિયલ મીડિયા પર વાયરલ થઈ રહ્યું છે, જેના પર ક્રિકેટ ચાહકો અલગ-અલગ પ્રતિક્રિયા આપી રહ્યા છે. એક સોશિયલ મીડિયા યુઝરે લખ્યું, 'સારું, તે ખોટો નથી. તે તેના ડ્રીમ 11 ક્રિકેટ વિશે વાત કરી રહ્યો છે. જ્યારે બીજાએ લખ્યું, 'તે ડીસી (દિલ્હી કેપિટલ્સ)નો સભ્ય હતો, હવે મને ખબર પડી કે ડીસીએ અત્યાર સુધી એક પણ ટ્રોફી કેમ જીતી નથી.
He was DC blood now i get to know why dc doesn’t win any trophy till now 😂 pic.twitter.com/sAywqrtZfZ
— Harsh shekhawat (@wordofshekhawat) September 14, 2024
તેજસ્વી યાદવની ક્રિકેટ કારકિર્દી:
તમને જણાવી દઈએ કે, તેજસ્વીએ પોતાના કરિયરમાં કુલ 1 ફર્સ્ટ ક્લાસ, 2 લિસ્ટ A અને 4 T20 મેચ રમી છે. તેણે ઘરેલુ ક્રિકેટમાં ઝારખંડનું પ્રતિનિધિત્વ કર્યું હતું. બહુ ઓછા લોકો જાણે છે કે, તેજસ્વીને ઇન્ડિયન પ્રીમિયર લીગ (IPL) 2008ની સિઝનમાં દિલ્હી ડેરડેવિલ્સ (હવે દિલ્હી કેપિટલ્સ) દ્વારા પણ સાઇન કરવામાં આવ્યો હતો. તે 2008 થી 2012 સુધી ફ્રેન્ચાઇઝી માટે બેન્ચ પર રહ્યો અને એક પણ મેચ રમ્યો ન હતો. તેણે નવેમ્બર 2009માં વિદર્ભ સામે ફર્સ્ટ ક્લાસ ડેબ્યૂ કર્યું હતું.
આ પણ વાંચો:
