નવી દિલ્હીઃ પેરિસ ઓલિમ્પિક 2024માં ભારતીય મહિલા ટેબલ ટેનિસ ટીમનું અભિયાન સમાપ્ત થઈ ગયું છે. ભારત જર્મની સામે 1-3થી હારી ગયું, આ સાથે ભારતીય ત્રિપુટી ક્વાર્ટર ફાઈનલમાંથી બહાર થઈ ગઈ છે. ભારતીય ટીમ પાસે સેમિફાઇનલમાં પ્રવેશવાની સુવર્ણ તક હતી પરંતુ જર્મની સામેની હાર બાદ તે ઓલિમ્પિક 2024માંથી બહાર થઈ ગઈ હતી.
પ્રથમ મેચ: ભારત માટે પ્રથમ મેચ અર્ચના કામથ અને શ્રીજા અકુલાએ જર્મનીની વાન યુઆન અને શાન ઝિયાઓના સામે રમી હતી. આ મેચમાં ભારતીય જોડીનો 1-3થી પરાજય થયો હતો. આ મેચના પ્રથમ સેટમાં ભારત 5-11થી હારી ગયું હતું, પરંતુ ભારતીય જોડીએ બીજા સેટમાં વાપસી કરી હતી અને 11-8થી જીત મેળવી હતી. આ પછી જર્મનીએ 10-11 અને 6-11થી જીત મેળવી હતી.
બીજી મેચ: ટીમ ઈન્ડિયા માટે મનિકા બત્રા અને જર્મની કોફમેન એન્નેટે બીજી મેચ રમી. આ મેચમાં ભારતને 1-3થી હારનો સામનો કરવો પડ્યો હતો. આ મેચમાં ભારતે પહેલો સેટ 11-5થી જીત્યો હતો પરંતુ બાકીના ત્રણ સેટ અનુક્રમે 5-11, 7-11, 5-11થી હારી ગયા હતા.
ત્રીજી મેચ: ભારતે ત્રીજી મેચ અર્ચના કામથ અને જર્મનીની શાન ઝિઓના સાથે રમી હતી. ભારત આ મેચ 1-3થી હારી ગયું હતું. આ મેચમાં ભારતે પહેલો સેટ 19-17થી જીત્યો હતો પરંતુ બીજો સેટ 1-11થી હારી ગયો હતો, ત્યારબાદ તેણે કમબેક કરીને ત્રીજો સેટ 11-5થી જીતી લીધો હતો. જર્મનીએ ચોથા સેટમાં ભારતને 9-11થી હરાવ્યું હતું.
ચોથી મેચ: ત્રીજી મેચ ભારતની શ્રીજા અકુલા અને જર્મનીની કોફમેન એન્નેટ વચ્ચે રમાઈ હતી. ભારત આ મેચ 0-3થી હારી ગયું હતું. આ મેચમાં ભારતે પહેલો સેટ 6-11થી, બીજો સેટ 7-11થી અને ત્રીજો સેટ 7-11થી ગુમાવ્યો હતો.
