નવી દિલ્હીઃ ભારત અને બાંગ્લાદેશ વચ્ચે રમાયેલી બીજી T20 મેચમાં ટીમ ઈન્ડિયાએ શાનદાર જીત હાંસલ કરી છે. આ જીત સાથે જ ટીમ ઈન્ડિયાએ ત્રણ મેચની સીરીઝ પર કબજો કરી લીધો છે. પ્રથમ બેટિંગ કરતા ભારતીય ટીમે રિંકુ અને નીતીશ રેડ્ડીની અડધી સદીની મદદથી 222 રનનો જંગી સ્કોર બનાવ્યો હતો જેના જવાબમાં બાંગ્લાદેશ 135 રન જ બનાવી શકી હતી.
બાંગ્લાદેશે ટોસ જીતીને ભારતને પ્રથમ બેટિંગ કરવાની તક આપી હતી. પ્રથમ બેટિંગ કરતા બાંગ્લાદેશે ભારતની ત્રણ મહત્વની વિકેટો વહેલી આઉટ કરી દીધી હતી જેમાં સંજુ સેમસન 10 રન, અભિષેક શર્મા 15 અને સૂર્યકુમાર યાદવ 8 રન બનાવીને આઉટ થયા હતા. આ પછી બેટિંગ કરવા આવેલા રિંકુ સિંહ અને નીતિશ રેડ્ડીએ અડધી સદીની ઇનિંગ રમી હતી.
Delight in Delhi! 🥳#TeamIndia register a 86-run win in the 2nd T20I and seal the series 2⃣-0⃣
— BCCI (@BCCI) October 9, 2024
Scorecard - https://t.co/Otw9CpO67y#INDvBAN | @IDFCFIRSTBank pic.twitter.com/KfPHxoSZE4
નીતિશ-રિંકુની જોડી કમાલ કરી:
નીતિશે પોતાની ઇનિંગ દરમિયાન 34 બોલનો સામનો કર્યો જેમાં તેણે 74 રન બનાવ્યા. જેમાં 7 સિક્સ અને 4 ફોરનો સમાવેશ થાય છે. આ સિવાય રિંકુ સિંહે પણ 53 રનની શાનદાર અડધી સદીની ઇનિંગ રમી હતી. રિંકુએ 27 બોલમાં સિક્સર ફટકારીને પોતાની અડધી સદી પૂરી કરી હતી. જોકે આ પછી તે એક પણ રન ઉમેરી શક્યો નહોતો. પોતાની ઇનિંગ દરમિયાન તેણે 3 સિક્સર અને 5 ફોર ફટકારી હતી.
ભારતના 222 રનના લક્ષ્યાંકનો પીછો કરવા આવેલી બાંગ્લાદેશની ટીમને બોલરોએ રિકવર થવા દીધી અને એક પછી એક વિકેટો લઈને ટીમની કમર તોડી નાખી. મહમુદુલ્લાહ સિવાય બાંગ્લાદેશ તરફથી કોઈ બેટ્સમેન 20થી વધુ રન બનાવી શક્યો નહોતો. મહમુદુલ્લાહે સૌથી વધુ 41 રનની ઇનિંગ રમી હતી. બાંગ્લાદેશનો કેપ્ટન નઝમુલ હસન શાંતો 7 બોલમાં 11 રન, લિટન દાસ 14, પ્રવેઝ હસન 16, તૌહીદ હૃદય 2 રન બનાવીને આઉટ થયો હતો.
ભારતના 7 બોલરોએ બોલિંગ કરી:
ભારત તરફથી 7 બોલરોએ બોલિંગ કરી અને તમામ બોલરોને વિકેટ મળી. વરુણ ચક્રવર્તી અને નીતીશ રેડ્ડીએ 2 વિકેટ ઝડપી હતી. ભારતીય ઓલરાઉન્ડર રેયાન પરાગ, વોશિંગ્ટન સુંદર ઉપરાંત મુખ્ય બોલર અર્શદીપ સિંહ અને મયંક યાદવે એક-એક વિકેટ લીધી હતી. આ જીત સાથે ભારતે સિરીઝ પોતાના નામે કરી લીધી છે. ભારત છેલ્લી મેચ જીતીને શ્રેણીમાં ક્લીન સ્વીપ કરવા ઈચ્છશે.
આ પણ વાંચો:
