ચેન્નાઈઃ IPL 2024 માટે ચાહકોની ધીરજનો સમય પૂરો થઈ ગયો છે. આ પ્રતિષ્ઠિત લીગની પ્રથમ મેચ આજે ચેન્નાઈના એમએ ચિદમ્બરમ સ્ટેડિયમમાં રમાશે. ચેન્નાઈ અને આરસીબી બંને ટીમો આ માટે સંપૂર્ણ રીતે તૈયાર છે. મેચની શરૂઆત પહેલા 6.30 થી 7.30 દરમિયાન એક ઓપનિંગ સેરેમનીનું પણ આયોજન કરવામાં આવશે, જેમાં બોલિવૂડ સ્ટાર્સ તેમના પ્રદર્શનથી ચાહકોને ખુશ કરશે.
આ મેદાનમાં CSK vs RCB : ચેન્નાઈ અને RCB વચ્ચે રમાઈ રહેલી આ મેચમાં બેંગલુરુ માટે ચેન્નાઈના પડકારને પાર કરવો આસાન નહીં હોય. ચેન્નાઈ તેના હોમ ગ્રાઉન્ડ ચેપોકનું રાજા છે. RCB અને ચેન્નાઈ વચ્ચે અહીં રમાયેલી મેચોમાં RCBને 7 મેચમાં હારનો સામનો કરવો પડ્યો છે જ્યારે RCB માત્ર એક મેચમાં જીતી શકી છે. જોવાનું એ રહે છે કે, ફાફ ડુ પ્લેસિસ સાથેની RCB આ પડકારને પાર કરી શકશે કે નહીં.
ચેન્નાઈ અને RCB સામ સામે: જો આપણે RCB અને ચેન્નાઈ વચ્ચે રમાયેલી એકંદર મેચોની વાત કરીએ તો બંને ટીમો વચ્ચે 31 મેચ રમાઈ છે જેમાં RCBએ 20 મેચ જીતી છે અને RCBએ 10 મેચ જીતી છે જેમાં એક મેચ અનિર્ણિત રહી હતી. આજે ચેન્નાઈ એમએસ ધોનીની કપ્તાનીમાં નહીં પરંતુ રુતુરાજ ગાયકવાડની કપ્તાનીમાં રમશે.
પ્રથમ બેટિંગ કરનારનો દબદબો: ચેપોકમાં અત્યાર સુધીમાં 76 આઈપીએલ મેચ રમાઈ છે જેમાં પ્રથમ બેટિંગ કરનાર ટીમે 46 મેચ જીતી છે. આ મેદાન પર સ્પિનરોને પણ મદદ મળે છે, ભેજ અને થોડી ઝાકળની અસર બીજા દાવમાં જોવા મળી શકે છે.
ધોનીએ ચેન્નાઈની કેપ્ટનશીપ છોડી: તે જોવાનું રહે છે કે, શું ચેન્નાઈ ગાયકવાડની કપ્તાની હેઠળ ચેપોકમાં સમાન શૈલી જાળવી શકશે કે કેમ કે ધોનીની કેપ્ટનશિપ વિના બેંગલુરુ પ્રભુત્વ મેળવશે. આ બીજી વખત છે જ્યારે ધોનીએ ચેન્નાઈની કેપ્ટનશીપ છોડી છે. અગાઉ 2022માં રવિન્દ્ર જાડેજાને કેપ્ટન બનાવવામાં આવ્યો હતો પરંતુ બાદમાં ચેન્નાઈના ખરાબ પ્રદર્શનને કારણે ધોનીને ફરીથી કેપ્ટન બનાવવામાં આવ્યો હતો.
