નવી દિલ્હીઃ ભારત આવતા વર્ષે 2025માં ટેસ્ટ મેચની શ્રેણી માટે ઈંગ્લેન્ડના પ્રવાસે જશે. ભારતીય ક્રિકેટ આ સમયગાળા દરમિયાન અંગ્રેજી ટીમ સામે 5 ટેસ્ટ મેચ રમશે. બીસીસીઆઈએ ગુરુવારે પાંચ ટેસ્ટ મેચની શ્રેણીનું શેડ્યૂલ જાહેર કર્યું હતું. જેમાં ભારત ઈંગ્લેન્ડનો 2 મહિનાનો પ્રવાસ કરશે.
ભારતે 2007 પછી ઈંગ્લેન્ડમાં કોઈ ટેસ્ટ શ્રેણી જીતી નથી. જો કે, 2021માં ભારત ત્રણ વર્ષ પહેલા ઈંગ્લેન્ડ સામેની શ્રેણી જીતવાનું ચૂકી ગયું હતું અને શ્રેણી 2-2થી ડ્રોમાં સમાપ્ત થઈ હતી. એવું માનવામાં આવે છે કે, રોહિત શર્મા ઈંગ્લેન્ડ સામેની આ શ્રેણીમાં પણ કેપ્ટનશિપ કરશે. રોહિત શર્મા ઓસ્ટ્રેલિયા અને ઈંગ્લેન્ડને ઘરઆંગણે હરાવ્યો છે, ભારતીય કેપ્ટનની નજર ઈતિહાસ પર છે.
Announced! 🥁
— BCCI (@BCCI) August 22, 2024
A look at #TeamIndia's fixtures for the 5⃣-match Test series against England in 2025 🙌#ENGvIND pic.twitter.com/wS9ZCVbKAt
આ શ્રેણી 20 જૂનથી 4 ઓગસ્ટ સુધી રમાશે:
ભારત ઈંગ્લેન્ડ સામે 20 જૂને હેડિંગ્લેમાં પ્રથમ ટેસ્ટ રમશે. આ પછી, બીજી ટેસ્ટ એક અઠવાડિયાના અંતરાલ પછી 2 થી 6 જુલાઈ દરમિયાન બર્મિંગહામના એજબેસ્ટન ક્રિકેટ ગ્રાઉન્ડ પર રમાશે. ચાર દિવસ પછી, ત્રીજી ટેસ્ટ ક્રિકેટના મક્કા, લંડનના મધ્યમાં આવેલા પ્રતિષ્ઠિત લોર્ડ્સ ક્રિકેટ ગ્રાઉન્ડ પર રમાશે. શ્રેણીની પાંચમી અને અંતિમ મેચ 31 જુલાઈથી 4 ઓગસ્ટ સુધી લંડનના ઓવલ ખાતે રમાશે.
ભારતે ફેબ્રુઆરીમાં હરાવ્યું હતું ઈંગ્લેન્ડને:
ભારતે ફેબ્રુઆરી-માર્ચમાં ઈંગ્લેન્ડ સામે 5 મેચની ટેસ્ટ શ્રેણી રમી હતી. હૈદરાબાદમાં પ્રથમ ટેસ્ટ હાર્યા બાદ ભારતે ઈંગ્લેન્ડ સામે 4-1થી શાનદાર જીત નોંધાવી હતી. આ સમયગાળા દરમિયાન ધ્રુવ જુરેલ, સરફરાઝ ખાન, દેવદત્ત પડિકલ, આકાશદીપ અને રજત પાટીદારે ભારતીય ટીમ માટે ટેસ્ટ ડેબ્યૂ કર્યું હતું.
