નવી દિલ્હીઃ ભારતીય ક્રિકેટ ટીમના ગબ્બર અને સ્ટાર બેટ્સમેન શિખર ધવને આજે સ્થાનિક અને આંતરરાષ્ટ્રીય ક્રિકેટમાંથી નિવૃત્તિ લઈ લીધી છે. ધવને તેની નિવૃત્તિનો એક વીડિયો તેના સોશિયલ મીડિયા પર પોસ્ટ કર્યો હતો. આ વીડિયોમાં તેણે તેના બાળપણના કોચ અને મેન્ટર મદન શર્માનો આભાર માન્યો છે. આ પ્રસંગે, આજે ETV ભારતના સંજીબ ગુહાએ ધવનના બાળપણના કોચ મદન શર્મા સાથે વાતચીત કરી છે.
'આજનો દિવસ આપણા માટે ખુશીનો દિવસ છે'- મદન શર્મા
જ્યારે મદન શર્માને પૂછવામાં આવ્યું કે, શિખરે આજે લાંબા સમય બાદ નિવૃત્તિ લીધી છે, તમે આ અંગે શું કહેવા માંગશો, તો તેમણે જણાવ્યું કે, 'ક્રિકેટમાં તેણે ઘણી લાંબી સફર કરી છે, મેં તેની સફર મારી સામે જોઈ છે. મેં તેને નાના ખેલાડીથી લઈને મોટા ખેલાડી બનવા સુધીબની સફર જોઈ છે. તે આટલા લાંબા સમય સુધી ભારત માટે રમ્યો તે પણ ખૂબ જ ખુશીની વાત છે, પરંતુ ક્યાંકને ક્યાંક તે દેશ માટે 2023નો ODI વર્લ્ડ કપ રમ્યો હોત તો મને ગમ્યું હોત. પરંતુ હું ખુશ છું કે તેણે ત્યારબાદ આટલું સારું પ્રદર્શન કર્યું. હું તેની સાથે જોડાયેલો છું, તે મારો સારો એવો શિષ્ય રહ્યો છે, આજનો દિવસ અમારા માટે ખુશીનો દિવસ છે."
'શિખર રમતમાં ખૂબ જ મહેનતુ હતો' - મદન શર્મા
જ્યારે મદન શર્માને પૂછવામાં આવ્યું કે, શું તમે તેમની કારકિર્દીની ખાસ વાતો વિશે કંઈક જણાવવા માંગો છો. તેના પર કોચે કહ્યું, 'તે બાળપણમાં જ ક્રિકેટ રમતો હતો, માટે તે પહેલીવાર અંડર 15માં પસંદ થયો, પરંતુ તે એક મેચ રમ્યા બાદ તેને ટીમમાંથી બહાર કરી દેવામાં આવ્યો. આ પછી, આવતા વર્ષે તે અંડર 17માં સારું રમ્યો અને એશિયા કપ રમવા મળ્યો. તે ક્યાંક જાણતો હતો કે, તેને વસ્તુઓને સાંભળને સારી કરવી પડશે. આ પછી તેણે ઘરેલુ ક્રિકેટમાં સારો દેખાવ કર્યો. તે મારુ માનતો હતો અને સખત મહેનત કરતો હતો અને પછી તેણે બીજા વર્ષે અંડર-19 વર્લ્ડ કપ રમ્યો હતો. તે જાણતો હતો કે, જ્યારે તે બહાર જશે ત્યારે તે કેવા બોલરોને મળશે, બોલ કઈ ઊંચાઈએ આવશે, તેને કેવું હવામાન મળશે, બોલ કેટલો સ્વિંગ થશે. તે મુજબ તે પ્રેક્ટિસ કરતો હતો.
શિખરની ઓફ સાઈડ રમત બાળપણથી જ સારી હતી - મદન શર્મા
જ્યારે પૂછવામાં આવ્યું કે, શિખરની ઑફ-સાઇડ બેટિંગ પહેલેથી જ સારી હતી? તેના પર મદન શર્માએ જવાબ આપ્યો, "તે બાળપણથી જ સારું રમતા હતો. ઓફ સ્ટાઈલ તેની ફેવરિટ હતી. તે નાનપણથી જ સ્લોગ સ્વીપ સારી રીતે રમતા હતા. તે લાંબા ફ્લિક શોટ મારતો હતો. આ પછી તેણે પોતાની કવર ડ્રાઈવ પર ઘણી મહેનત કરી. કવર ડ્રાઈવ એવો શોટ છે કે એકવાર તે હિટ થઈ જાય તો અમારી ક્લબના તમામ બાળકોને લાગે, તેમનો દિવસ સારો જશે.
શિખર રોહિતને રમવાની સ્વતંત્રતા આપતો હતો - મદન શર્મા
મદન શર્માને આગળ પૂછવામાં આવ્યું કે કોચ તરીકે શિખરનો એક મજબૂત અને એક નબળો મુદ્દો જણાવો. આના પર શર્માએ જવાબ આપ્યો, 'તેનો મજબૂત મુદ્દો એ જ તેનો નબળો મુદ્દો હતો. જ્યારે ધવન રોહિત સાથે ભારત માટે રમતો હતો, ત્યારે તે તેને કહેતો હતો કે, તેણે હિટ કરીને રમવું પડશે કારણ કે રોહિતને સેટલ થવા માટે સમયની જરૂર છે. તે એવી સ્થિતિમાં બનતું હતું કે, ઘણી વખત તે રન બનાવતો અને ઘણી વખત તે આઉટ થઈ જતો. તે ઈચ્છતો હતો કે રોહિતને ક્રિઝ પર થોડો વધુ સમય મળે. આ ધવનનો ક્યારેક માઈનસ પોઈન્ટ બની જતો હતો.
વીરુ, ગૌતમ પછી તે દેશનો સર્વશ્રેષ્ઠ ઓપનર રહ્યો - મદન શર્મા
કોચને પૂછવામાં આવ્યું કે, "તમે ભારતીય ઓપનર તરીકે શિખર ધવનને ક્યાં સ્થાન આપવા માંગો છો? તેમણે જવાબ આપ્યો કે, 'પહેલાની ક્રિકેટ અને અત્યારની ક્રિકેટમાં ઘણો તફાવત હતો. પહેલા અમે પરંપરાગત ક્રિકેટ રમતા હતા. હવે થોડું ઝડપી ક્રિકેટ રમાય છે, ધવને પ્રથમ ટેસ્ટમાં સદી ફટકારી હતી અને તે સારી સ્ટ્રાઈક રેટ સાથે કરી હતી. ઓપનર તરીકે ટીમને સારી શરૂઆત આપો અને વિરોધી ટીમના મનોબળને નષ્ટ કરો. આ ઓપનરનું કામ છે. મારા મતે વીરુ, ગૌતમ અને શિખર સારા ઓપનર હતા.
તેના અંગત જીવનની સમસ્યાઓની ક્રિકેટ પર કોઈ અસર પડી છે કે કેમ? તે પ્રશ્ન પર તમે શું કહેવા માગો છો. આના જવાબમાં કોચે કહ્યું, 'હું અંગત જીવન વિશે વધુ જાણતો નથી. કારણ કે તેણે મારી સાથે તેના અંગત જીવન વિશેની માહિતી શેર કરી નથી. પર્સનલ લાઈફમાં જે કંઈ થાય છે તેની કરિયર પર કોઈ અસર થતી નથી, તેણે સતત સારું પ્રદર્શન કર્યું છે. જ્યારે તે રમ્યો ત્યારે તે દેશ માટે સારું કરવા માંગતો હતો. આ બધું તેના મગજમાં ક્યારેય નહોતું.
'શિખર આજે પણ એવો જ છે જેવો તે પહેલા દિવસે હતો' - મદન શર્મા
જ્યારે કોચ મદન શર્માને પૂછવામાં આવ્યું કે, જ્યારે તમે શિખરને પહેલા દિવસે નેટ્સમાં જોયો અને હવે તમે તેને જોવો છો ત્યારે તો તમે તેના વિશે શું કહેવા માગો છો. આના પર તેણે જવાબ આપ્યો, 'કોચ તરીકે મેં તેને પહેલા દિવસે જોયો હતો અને આજે પણ તે મારા માટે સમાન છે. મેં સવારે તેમની સાથે પણ વાત કરી, તેમણે કહ્યું કે આજે હું નિવૃત્તિની પોસ્ટ કરી રહ્યો છું. શિખરમાં મારા માટે કોઈ ફરક નથી, તે તેના બાળપણમાં પણ સખત મહેનત કરતો હતો, મારા માટે ત્યારે પણ એવું જ હતું અને આજે પણ એવું જ છે. તે દેશ માટે રમ્યો, ઘણી ટુર્નામેન્ટ જીત્યો અને વર્લ્ડ કપ રમ્યો. મને તેના પર ખૂબ જ ગર્વ છે. "
