નવી દિલ્હીઃ ભારતીય ક્રિકેટ કંટ્રોલ બોર્ડ (BCCI)ના સચિવ જય શાહે શનિવારે પોતાના સોશિયલ મીડિયા એકાઉન્ટ પર પોસ્ટ કરીને મોટી જાહેરાત કરી છે. જય શાહે આગામી ઇન્ડિયન પ્રીમિયર લીગ (IPL 2025)માં રમી રહેલા ખેલાડીઓને મોટી ભેટ આપી છે. X પર પોસ્ટ કરીને તેમણે ભારતીય ખેલાડીઓ માટે 7.5 લાખ રૂપિયાની મેચ ફીની જાહેરાત કરી છે.
ભારતીય ખેલાડીઓને જય શાહની મોટી ભેટ:
જય શાહે પોસ્ટ કર્યું, 'આઈપીએલમાં સાતત્ય અને ઉત્કૃષ્ટ પ્રદર્શનની ઉજવણી કરવા માટે એક ઐતિહાસિક પગલું ભરતાં, અમે અમારા ક્રિકેટરો માટે મેચ દીઠ 7.5 લાખ રૂપિયાની મેચ ફી રજૂ કરતાં રોમાંચિત છીએ. એક સિઝનમાં તમામ લીગ મેચો રમનાર ક્રિકેટરને તેના કરારની રકમ ઉપરાંત 1.05 કરોડ રૂપિયા મળશે. દરેક ફ્રેન્ચાઇઝી સીઝન માટે મેચ ફી તરીકે રૂ. 12.60 કરોડ ફાળવશે. આઈપીએલ અને અમારા ખેલાડીઓ માટે આ નવો યુગ છે.
In a historic move to celebrate consistency and champion outstanding performances in the #IPL, we are thrilled to introduce a match fee of INR 7.5 lakhs per game for our cricketers! A cricketer playing all league matches in a season will get Rs. 1.05 crores in addition to his…
— Jay Shah (@JayShah) September 28, 2024
દરમિયાન, IPL 2025ની મેગા હરાજી અંગે ઘણી અટકળો લગાવવામાં આવી રહી છે. જો અહેવાલો પર વિશ્વાસ કરવામાં આવે તો, તમામ ફ્રેન્ચાઇઝીઓને ઓછામાં ઓછા પાંચ ખેલાડીઓને જાળવી રાખવાની મંજૂરી આપવામાં આવશે. આ સાથે તેઓ રાઈટ ટુ મેચ કાર્ડનો ઉપયોગ કરી શકે છે. આ સાથે, દરેક ટીમ માટે કુલ પર્સ પણ વધી શકે છે અને 115-120 કરોડ રૂપિયા સુધી જઈ શકે છે. 2021ની મેગા ઓક્શન સુધી ફ્રેન્ચાઇઝી માટે સેલરી કેપ રૂ. 90 કરોડ હતી.
આ પણ વાંચો:
