ઓટાવા: કેનેડાથી પરત બોલાવવામાં આવેલા ભારતીય હાઈ કમિશનર સંજય કુમાર વર્માએ કેનેડા અંગે ઘણા ખુલાસા કર્યા છે. તેમણે આરોપ લગાવ્યો હતો કે ખાલિસ્તાની ઉગ્રવાદીઓ અને આતંકવાદીઓ કેનેડિયન સિક્યોરિટી ઈન્ટેલિજન્સ સર્વિસ (CSIS) માટે મહત્વપૂર્ણ સંપત્તિ તરીકે કામ કરે છે. કેનેડા સ્થિત સીટીવી ન્યૂઝ સાથેની મુલાકાતમાં રાજદૂત વર્માએ કેનેડાની સરકાર પર ખાલિસ્તાની ઉગ્રવાદીઓને 'પ્રોત્સાહિત' કરવાનો આરોપ લગાવ્યો હતો.
તેમણે કહ્યું કે, ખાલિસ્તાની ઉગ્રવાદીઓને સતત પ્રોત્સાહન આપવામાં આવે છે. રાજદૂતે કહ્યું કે આ મારો આરોપ છે, હું એ પણ જાણું છું કે આમાંથી કેટલાક ખાલિસ્તાની ઉગ્રવાદીઓ અને આતંકવાદીઓ CSIS માટે મહત્વપૂર્ણ સંપત્તિ છે. ફરીથી, હું કોઈ પુરાવા આપતો નથી. વર્માએ વધુમાં કહ્યું કે કેનેડાની સરકારે ભારતની 'મુખ્ય ચિંતાઓ'ને ગંભીરતાથી લેવી જોઈએ. તેમણે કહ્યું કે અમે માત્ર એટલું જ ઇચ્છીએ છીએ કે કેનેડાની વર્તમાન સરકાર ભારતની ચિંતાઓને પ્રામાણિકપણે સમજે.
તેમણે કહ્યું કે, કેનેડા એ લોકો સાથે મળીને કામ ન કરવું જોઈએ જેઓ ભારતીય સાર્વભૌમત્વ અને પ્રાદેશિક અખંડિતતાને પડકારવાનો પ્રયાસ કરી રહ્યા છે. તેમણે કહ્યું કે ભારતમાં શું થશે તે ભારતીય નાગરિકો નક્કી કરશે. આ ખાલિસ્તાની ઉગ્રવાદીઓ ભારતીય નાગરિકો નથી, તેઓ કેનેડાના નાગરિકો છે અને કોઈપણ દેશે તેના નાગરિકોને બીજા દેશના સાર્વભૌમત્વને પડકારવાની મંજૂરી આપવી જોઈએ નહીં.
આ પણ વાંચો: ભારત-કેનેડા વિવાદ : કેનેડિયન પીએમ ટ્રુડોનું નિવેદનની ભારત સાથે બગડતા સંબંધો પર અસર
રાજદૂતે ખાલિસ્તાની આતંકવાદી હરદીપ સિંહ નિજ્જરની હત્યાના સંબંધમાં ઓટાવા દ્વારા તેમના પર લગાવવામાં આવેલા તમામ આરોપોને પણ નકારી કાઢ્યા હતા. વર્માએ કહ્યું કે, કેનેડાએ તેના આરોપોને સમર્થન આપવા માટે કોઈ પુરાવા રજૂ કર્યા નથી. તેમના આક્ષેપો રાજકીય પ્રેરિત છે. તેણે કહ્યું કે મારે જોવું પડશે કે વિદેશ મંત્રી મેલાનિયા જોય કયા નક્કર પુરાવાની વાત કરી રહ્યા છે.
રાજદૂત વર્માએ નિજ્જર સહિતના ખાલિસ્તાની તરફી કાર્યકરો વિશે માહિતી એકત્રિત કરવા માટે વ્યક્તિઓને સૂચના આપવા અથવા દબાણ કરવાના આરોપોને નકારી કાઢ્યા હતા. તેમણે કહ્યું કે ભારતના હાઈ કમિશનર તરીકે મેં ક્યારેય આવું કંઈ કર્યું નથી. તેમણે કહ્યું કે કેનેડામાં ખાલિસ્તાની તરફી તત્વો પર નજર રાખવી એ રાષ્ટ્રીય હિતનો વિષય છે અને તેમની ટીમ ખુલ્લા સ્ત્રોતોમાંથી માહિતી એકત્રિત કરે છે. વર્માએ સ્પષ્ટતા કરી કે અમે અખબારો વાંચીએ છીએ, અમે તેમના નિવેદનો વાંચીએ છીએ, કારણ કે અમે પંજાબી સમજીએ છીએ, તેથી અમે તેમની સોશિયલ મીડિયા પોસ્ટ્સ વાંચીએ છીએ અને ત્યાંથી અનુમાન લગાવવાનો પ્રયાસ કરીએ છીએ.
આ પણ વાંચો:
