મુંબઈ: બોલિવૂડ સ્ટાર ગોવિંદાને લઈને એક ચોંકાવનારી ઘટના સામે આવી છે. ગોવિંદાને ગોળી વાગી છે. અભિનેતાને તેની પોતાની લાયસન્સ રિવોલ્વરથી ગોળી વાગી હતી. અભિનેતાને પગમાં ગોળી વાગી હોવાના સમાચાર છે. આજે, મંગળવારે સવારે, 1 ઓક્ટોબર, અભિનેતાને નજીકની હોસ્પિટલમાં દાખલ કરવામાં આવ્યા છે. મુંબઈ પોલીસની માહિતી અનુસાર, અભિનેતાને ઈજા થતાં તરત જ હોસ્પિટલમાં લઈ જવામાં આવ્યા હતો. અભિનેતા CRITI સંભાળમાં છે. હાલ અભિનેતાની હાલત ખતરાની બહાર છે.
અહેવાલો અનુસાર, સુપરસ્ટાર સાથે આ બનાવ સવારે 4.45 વાગ્યે થયો હતો. અભિનેતા સવારે બહાર જવા માટે તૈયાર થઈ રહ્યા હતા અને તે તેની લાઇસન્સ રિવોલ્વર તપાસી રહ્યા હતા. તે જ સમયે, બંદૂકમાંથી અકસ્માતે નીકળી ગઈ અને ગોળી સીધી ગોવિંદાના ઘૂંટણ પર વાગી.
Actor and Shiv Sena leader Govinda has been taken to the nearest hospital after he was accidentally shot in the leg by his own revolver this morning, says a senior Mumbai Police official
— ANI (@ANI) October 1, 2024
More details awaited.
(file pic) pic.twitter.com/SBqnMcDgoA
ગોવિંદા એક્ટર હોવા ઉપરાંત એક્ટર અને પોલિટિશિયન પણ છે. તાજેતરની સામાન્ય ચૂંટણીઓમાં, ગોવિંદા મહારાષ્ટ્રની એકનાથ શિંદે સરકારમાં જોડાયા હતા. કોંગ્રેસના પૂર્વ નેતા ગોવિંદા ચાલુ વર્ષે જ શિવસેનામાં જોડાયા છે.
ગોવિંદાના મેનેજર શશિ સિન્હાએ જણાવ્યું કે, ગોવિંદા કોલકાતા જવા માટે તૈયાર થઈ રહ્યા હતા અને તેમની બંદૂકની તપાસ કરી રહ્યો હતા ત્યારે ગોળી નીકળી અને તે તેના પગમાં વાગી. મેનેજરના જણાવ્યા અનુસાર ગોવિંદાના પગમાંથી ગોળી નીકળી ગઈ છે અને તેમની હાલત સારી છે.
તમને જણાવી દઈએ કે, ગોવિંદા 80ના દાયકાથી બોલિવૂડમાં કામ કરી રહ્યા છે. તે જ સમયે, છેલ્લા કેટલાક સમયથી ગોવિંદા ફિલ્મી દુનિયાથી દૂર રાજકારણમાં સક્રિય છે. ગોવિંદાએ તેની ફિલ્મી કારકિર્દીમાં એક પછી એક હિટ ફિલ્મો આપી છે, જેમાં હીરો નંબર 1, રાજા બાબુ, આંટી નંબર 1, આંખે, કુલી નંબર 1 સહિત ઘણી ફિલ્મોનો સમાવેશ થાય છે.
