હૈદરાબાદ: 'પુષ્પા'થી સૌના દિલ જીતનાર સાઉથના સુપરસ્ટાર અલ્લુ અર્જુન આજે એટલે કે 8 એપ્રિલે પોતાનો 42મો જન્મદિવસ ઉજવવા જઈ રહ્યો છે. આ પ્રસંગે તેણે મોડી રાત્રે પોતાના પરિવાર અને મિત્રો સાથે જન્મદિવસની ઉજવણી કરી હતી. જેની તસવીરો તેની પત્ની સ્નેહા રેડ્ડીએ સોશિયલ મીડિયા પર શેર કરી હતી. તેણે તેની ઈન્સ્ટાગ્રામ સ્ટોરીઝ પર અલ્લુ અર્જુનના જન્મદિવસની ઉજવણીની તસવીરો પોસ્ટ કરી હતી. તેમના જન્મદિવસ પર, એક ખાસ કેક કાપવામાં આવી હતી જેમાં મેડમ તુસાદ મ્યુઝિયમમાં બનાવવામાં આવેલી તેમની મીણની પ્રતિમાની ઝલક જોવા મળી હતી.
પત્નીએ બર્થડે સેલિબ્રેશનની તસવીરો શેર કરી: અલ્લુ અર્જુનના બર્થડે સેલિબ્રેશનની તસવીરો તેની પત્ની સ્નેહા રેડ્ડીએ સોશિયલ મીડિયા પર શેર કરી હતી. જ્યારે 'પુષ્પા' સ્ટારે કલરફુલ શર્ટ પહેર્યો હતો, તો સ્નેહા સફેદ ક્રોપ અને સ્કર્ટમાં ખૂબ જ સુંદર લાગી રહી હતી. અલ્લુ અર્જુનની સેલિબ્રેશન પાર્ટીની કેક પણ ખાસ હતી, તેમાં તેની મેડમ તુસાદની પ્રતિમાની ઝલક જોવા મળી હતી. સેલિબ્રેશન પછી અલ્લુ અર્જુને ઘરની બહાર રાહ જોઈ રહેલા તેના ફેન્સ માટે સમય કાઢ્યો. મોડી રાત સુધી સેંકડો ચાહકો તેમના ઘરની બહાર તેમને શુભેચ્છા આપવા માટે રાહ જોઈ રહ્યા હતા. પછી અલ્લુ બહાર આવ્યો અને બધાનો આભાર માન્યો.
- " class="align-text-top noRightClick twitterSection" data="">
'પુષ્પા 2: ધ રૂલ'નું ટીઝર: અલ્લુ અર્જુન તેના 42માં જન્મદિવસ પર ચાહકોને મોટી ભેટ આપી છે. આજે તેના જન્મદિવસ પર મોસ્ટ અવેટેડ 'પુષ્પા 2'નું ટીઝર રિલીઝ થઈ ગયું છે. જેની ચાહકો લાંબા સમયથી રાહ જોઈ રહ્યા હતા. બર્થડે પહેલા જ અલ્લુ અર્જુને તેની જાહેરાત કરીને ચાહકોમાં ઉત્તેજના વધારી દીધી હતી. 'પુષ્પા 2: ધ રૂલ' એ 2021માં રિલીઝ થયેલી 'પુષ્પા'ની સિક્વલ છે, જેણે તેની સમગ્ર ભારતમાં રિલીઝ સાથે વિશ્વભરના પ્રેક્ષકોના દિલ જીતી લીધા હતા. હવે ચાહકો આગામી વાર્તાની આતુરતાથી રાહ જોઈ રહ્યા છે. 'પુષ્પા 2' આ વર્ષે સ્વતંત્રતા દિવસના અવસર પર 15મી ઓગસ્ટે રિલીઝ થશે.
