નવી દિલ્હી: સુપ્રીમ કોર્ટે શુક્રવારે દિલ્હી લિકર પોલિસી મુદ્દા સાથે સંબંધિત ભ્રષ્ટાચારના કેસમાં ઉદ્યોગપતિ અમનદીપ સિંહ ઢલ્લને જામીન આપ્યા છે. આ આદેશ બાદ દારૂ નીતિ કેસના તમામ આરોપીઓને જામીન મળી ગયા છે.
અગાઉ, સુપ્રીમ કોર્ટે કથિત દિલ્હી એક્સાઇઝ પોલિસી કેસમાં દિલ્હીના પૂર્વ મુખ્યમંત્રી અરવિંદ કેજરીવાલ, આમ આદમી પાર્ટી (AAP) નેતા મનીષ સિસોદિયા, સંજય સિંહ અને BRS MLSની કવિતાને જામીન આપ્યા હતા.
500 દિવસ જેલમાં હતા
જસ્ટિસ સૂર્યકાંત અને ઉજ્જલ ભુઈયાની બેન્ચે જણાવ્યું હતું કે, સીબીઆઈ કેસમાં લગભગ 300 સાક્ષીઓ છે જેમની કેન્દ્રીય એજન્સી તપાસ કરવા માંગે છે અને પરિણામે, ટ્રાયલ ટૂંક સમયમાં સમાપ્ત થવાની સંભાવના નથી. બેન્ચે કહ્યું કે, ઢલ્લ 500 દિવસથી વધુ સમયથી જેલમાં છે અને તેને વધુ કસ્ટડીમાં રાખવાથી કોઈ ફાયદો થશે નથી.
ઢલ્લનું પ્રતિનિધિત્વ કરતા વરિષ્ઠ એડવોકેટ સિદ્ધાર્થ દવેએ બેન્ચ સમક્ષ દલીલ કરી હતી કે, તેમના અસીલ સિવાય તમામ સહઆરોપીઓને જામીન મળી ગયા છે. અગાઉ, ઢલ્લને દારૂની નીતિ સંબંધિત મની લોન્ડરિંગ કેસમાં જામીન આપવામાં આવ્યા હતા.
શરતોને આધિન મળ્યા જામીન
ઢલ્લને રાહત આપતી વખતે, સુપ્રીમ કોર્ટે સ્પષ્ટ કર્યું કે, તેણે કેસની યોગ્યતા પર કોઈ ટિપ્પણી કરી નથી, કોર્ટે કહ્યું કે, જામીન ટ્રાયલ કોર્ટ દ્વારા નિર્ધારિત શરતોને આધિન છે.
સુનાવણી દરમિયાન, બેન્ચે સીબીઆઈના વકીલને કહ્યું કે, કન્વિક્શન રેટ પર ધ્યાન કેન્દ્રિત કરે અને વ્હાઇટ કોલર ગુનેગારોને સંદેશ આપવો જોઈએ. બેન્ચે CBI વકીલને કહ્યું, "તમારો કન્વિક્શન રેટ... તમારે તેના પર ધ્યાન કેન્દ્રિત કરવું જોઈએ. તમારે સાક્ષીઓની સંખ્યાને બદલે તેમની ગુણવત્તા પર ધ્યાન કેન્દ્રિત કરવાની જરૂર છે."
દિલ્હી હાઈકોર્ટના નિર્ણયને પડકારો
સુપ્રીમ કોર્ટે ઢલ્લની અરજી પર આ આદેશ આપ્યો હતો, જેમાં તેમણે દિલ્હી હાઈકોર્ટના 4 જૂન, 2024ના નિર્ણયને પડકાર્યો હતો. જેમાં તેમને સીબીઆઈના મામલામાં નિયમિત જામીન આપવાનો ઈન્કાર કરવામાં આવ્યો હતો. સીબીઆઈએ ગયા વર્ષે એપ્રિલમાં આ કેસના સંબંધમાં તેમની ધરપકડ કરી હતી.
કેન્દ્રીય એજન્સીઓના જણાવ્યા મુજબ, ઢલ્લ કથિત રીતે અન્ય આરોપીઓ સાથે કાવતરું ઘડ્યું હતું અને દારૂની નીતિ ઘડવામાં સક્રિય રીતે સામેલ હતો અને AAPને લાંચ આપવામાં અને દક્ષિણ જૂથ દ્વારા વિવિધ માધ્યમો દ્વારા તેની વસૂલાત કરવામાં મદદ કરી હતી. CBI અને ED મુજબ, એક્સાઇઝ પોલિસીમાં સુધારો કરતી વખતે અનિયમિતતા આચરવામાં આવી હતી અને લાઇસન્સ ધારકોને અયોગ્ય લાભો આપવામાં આવ્યા હતા.
આ પણ વાંચો:
