કોટા: મેડિકલ એન્ટ્રન્સ પરીક્ષા નીટ યુજીના પરિણામમાં નાપાસ થવાને કારણે આત્મહત્યાનો કિસ્સો પ્રકાશમાં આવ્યો છે. આત્મહત્યા કરનાર આ વિદ્યાર્થિની મધ્યપ્રદેશના રીવાની રહેવાસી છે. તે પોતાના પરિવાર સાથે કોટામાં રહીને કોચિંગ કરતી હતી. તે બહુમાળીના ગ્રાઉન્ડ ફ્લોર પરથી લોહીલુહાણ હાલતમાં મળી આવી હતી. હોસ્પિટલના તબીબોએ તેને મૃત જાહેર કર્યા બાદ તેને MBS હોસ્પિટલના શબઘરમાં ખસેડવામાં આવી હતી.
વિદ્યાર્થિની મધ્યપ્રદેશના રીવાની રહેવાસી: કોટા શહેરના જવાહર નગર પોલીસ સ્ટેશનના ઓફિસર હરિનારાયણ શર્માએ જણાવ્યું કે, મધ્યપ્રદેશના રીવાની રહેવાસી 18 વર્ષીય વિદ્યાર્થિની જવાહર નગરના કોચિંગ વિસ્તારમાં બહુમાળી ફ્લેટમાં તેના પરિવાર સાથે રહેતી હતી. તેની માતા અને ભાઈ પણ તેની સાથે કોટામાં રહેતા હતા.
વિદ્યાર્થિની તણાવમાં હતી: NEET UG ના પરિણામ પછી વિદ્યાર્થિની તણાવમાં હતી. જેના કારણે તેણે આત્મહત્યાનું પગલું ભર્યું છે. તેની માતાની માનસિક સ્થિતિ પણ સારી નથી, જેથી તેની પુત્રીના મૃત્યુની જાણ કરવામાં આવી નથી. કોચિંગ દ્વારા વિદ્યાર્થિનીના પિતાને જાણ કરવામાં આવી છે તેઓ કોટા આવી રહ્યા છે. તેમના આવ્યા બાદ જ કોચિંગની વિદ્યાર્થિનીના મૃતદેહનું પોસ્ટમોર્ટમ કરવામાં આવશે.
વિદ્યાર્થિની લોહીલુહાણ હાલતમાં: સીઆઈ હરિનારાયણ શર્માએ જણાવ્યું કે, વિદ્યાર્થિનીનો ફ્લેટ પાંચમા માળે છે, જ્યારે તે ઘટનાના થોડા સમય પહેલા 9મા માળે હાજર હતી. 9મા માળે રહેતી એક મહિલાએ તેને રોકી હતી, જોકે આ ઘટનાના થોડા સમય બાદ વિદ્યાર્થિની ગ્રાઉન્ડ ફ્લોર પર લોહીલુહાણ હાલતમાં પડી હતી.
