હરિયાણાના કરનાલમાં માલગાડી દુર્ઘટનાગ્રસ્ત (Etv Bharat) કરનાલઃ હરિયાણાના કરનાલમાં મંગળવારે સવારે માલગાડી ટ્રેન દુર્ઘટનાગ્રસ્ત થઈ હોવાનું જાણવા મળ્યું છે, તરાવાડી રેલ્વે સ્ટેશન પાસે એક ચાલતી માલગાડીમાંથી લગભગ 10 કન્ટેનર પડી ગયા હતા. આ કન્ટેનર લગભગ 1 કિલોમીટરના વિસ્તારમાં પથરાયેલા છે. કન્ટેનર પડા રહ્યા હોવાની ખબર પડતાં જ ટ્રેન રોકી દેવામાં આવી અને અધિકારીઓને જાણ કરવામાં આવી હતી. માહિતી મળતા જ પોલીસ અને રેલવે વિભાગના અધિકારીઓ ઘટનાસ્થળે પહોંચી ગયા હતા. કન્ટેનર પડવાને કારણે વીજલાઇન અને રેલવે ટ્રેકને નુકસાન થયું છે.
કરનાલમાં ટ્રેન દુર્ઘટનાઃ રેલવે સત્તાવાળાઓએ દિલ્હી અને અમૃતસર વચ્ચે ચાલતી ટ્રેનોનું સંચાલન અટકાવી દીધું છે. જણાવવામાં આવી રહ્યું છે કે માલગાડી ચંદીગઢથી દિલ્હી તરફ જઈ રહી હતી. જ્યારે ટ્રેન કરનાલના તરાવાડી રેલવે સ્ટેશન પર પહોંચી ત્યારે અચાનક ચાલી રહેલી ટ્રેનમાંથી 10 કન્ટેનર પાટા પર પડ્યા અને વિખેરાઈ ગયા. જેના કારણે બંને તરફની રેલ્વે લાઈનો ખોરવાઈ ગઈ હતી. ઘટનાની માહિતી મળતા જ રેલવે પોલીસના અધિકારીઓ અને કર્મચારીઓ ઘટનાસ્થળે પહોંચી ગયા હતા.
ચાલતી માલગાડી ટ્રેનમાંથી કન્ટેનર પડ્યાઃ હાલમાં પાટા પર પથરાયેલા કન્ટેનરને હટાવવાની કામગીરી ચાલી રહી છે. આ ઘટના સવારે પાંચ વાગ્યાની આસપાસ બની હોવાનું કહેવાય છે. કન્ટેનર પડવાને કારણે અનેક વીજ પોલ તૂટી ગયા છે. સદનસીબે આ અકસ્માતમાં કોઈ જાનહાનિના સમાચાર નથી. ટ્રેક અને રેલવે વીજ થાંભલાને રિપેર કરવામાં લાંબો સમય લાગી શકે તેવો અંદાજ છે. ત્યાં સુધી આ રૂટ પર ટ્રેન સેવા બંધ રહેશે.
રેલ વાહનવ્યવહાર થંભી ગયોઃ આ ટ્રેન અકસ્માત બાદ ચંદીગઢથી દિલ્હી અને દિલ્હીથી ચંદીગઢ જતો રેલ્વે માર્ગ ખોરવાઈ ગયો હતો. આજુબાજુમાં રહેતા લોકોએ જણાવ્યું કે, તેઓએ બહાર આવીને જોયું તો તેમને રેલ્વે લાઇન પર કંટેનરો પથરાયેલા જોવા મળ્યા હતા. આ કન્ટેનર લગભગ 1 કિલોમીટર સુધી પડ્યા છે. ઘટનાસ્થળે પહોંચેલા હરિયાણા પોલીસ કર્મચારીઓએ જણાવ્યું કે પોલીસને માહિતી મળતા જ તેઓ ઘટનાસ્થળે પહોંચી ગયા. હાલમાં કોઈના જાનમાલને નુકસાન થયું નથી.
- કંચનજંગા ટ્રેન અકસ્માત: 11ના મોત, 40થી વધુ ઘાયલ, રેલવે દ્વારા હવે તપાસનો ધમધમાટ - Train accident
- પંજાબના ફતેહગઢમાં બે માલગાડી વચ્ચે ટક્કર, પેસેન્જર ટ્રેન પણ આવી અડફેટે, બે લોકો પાયલોટ ઘાયલ - TRAIN ACCIDENT IN PUNJAB
