નવી દિલ્હી: દિલ્હીની સાકેત કોર્ટ આજે નર્મદા બચાવો આંદોલનના નેતા મેધા પાટકરને સજા સંભળાવશે, મેધા પાટકર દિલ્હીના લેફ્ટનન્ટ ગવર્નર વી.કે. સક્સેના દ્વારા દાખલ કરવામાં આવેલા અપરાધિક માનહાનિના કેસમાં દોષી સાબિત થયા છે. મેટ્રોપોલિટન મેજિસ્ટ્રેટ રાઘવ સજા સંભળાવશે.
મહત્વપૂર્ણ છે કે, 30 મેના રોજ ફરિયાદી વીકે સક્સેના વતી હાજર થયેલા વકીલે મેધા પાટકરને મહત્તમ સજાની માંગ કરી હતી. ભારતીય દંડ સંહિતામાં અપરાધિક માનહાનિના કેસમાં મહત્તમ બે વર્ષની જેલની સજાની જોગવાઈ છે. 24મી મેના રોજ સાકેત કોર્ટે મેધા પાટકરને દોષી ઠેરવ્યા હતા. કોર્ટે મેધા પાટકરને ભારતીય દંડ સંહિતાની કલમ 500 હેઠળ દોષિત ઠેરવ્યા હતા.
