નવી દિલ્હી: નોકરી કરનારા બધા લોકો પાસે પોતાનું પ્રોવિડન્ટ ફંડ (PF) એકાઉન્ટ હોવું જરૂરી છે. જેમાં દરેક કર્મચારીના પગારનો 12 ટકા હિસ્સો દર મહિને જમા થાય છે. સાથે જ એટલા પૈસા કંપની કર્મચારીના ખાતામાં પણ જમા કરે છે. આ સમગ્ર નાણાં પર સરકાર તરફથી 7 થી 8 ટકાથી વધુ વ્યાજ પણ મળે છે.
તમને જણાવી દઈએ કે, પ્રોવિડન્ટ ફંડ લાંબા ગાળાનું રોકાણ છે, પરંતુ ક્યારેક એવું બને છે કે, આપણને ઈમરજન્સીમાં પૈસાની જરૂર પડે છે. આવી સ્થિતિમાં, કર્મચારીઓ તેમના પીએફ એકાઉન્ટમાંથી પૈસા ઉપાડી શકે છે અને તેનો ઉપયોગ તેમના કામ માટે કરી શકે છે. આવી સ્થિતિમાં, જો તમારે ક્યારેય ઈમરજન્સીમાં ફંડ ઉપાડવાની જરુર પડે, તો તમે PFમાંથી પૈસા ઉપાડી શકો છો.
68-B હેઠળ કેટલા પૈસા ઉપાડી શકાય છે?
જો તમે તમારા PFમાંથી વધુ પૈસા ઉપાડવા માંગો છો, તો તમે તેના માટે 68-બી હેઠળ દાવો કરી શકો છો. આ હેઠળ, આવાસ, મકાન/ફ્લેટ ખરીદવા અથવા મકાનના બાંધકામ માટે PFમાંથી પૈસા ઉપાડી શકાય છે. આ દાવા હેઠળ કર્મચારીઓ તેમના પગારના 36 ગણા પૈસા સુધી ઉપાડી શકે છે.
કેવી રીતે ઉપાડવા PFના પૈસા ઉપાડવા?
EPFOના નિયમો અનુસાર, કોઈપણ કર્મચારી ઈમરજન્સી સમયે પોતાના PF ખાતામાંથી પૈસા ઉપાડી શકે છે. આ માટે, સૌ પ્રથમ EPFOની સત્તાવાર વેબસાઇટ https://unifiedportal-emp.epfindia.gov.in/epfo/ પર જાઓ. આ પછી, તમને જમણી બાજુએ UAN અને પાસવર્ડનો વિકલ્પ મળશે. જ્યાં તમારે બધી જરૂરી માહિતી દાખલ કરવી પડશે અને કેપ્ચા અને લોગિન ભરવું પડશે. આ કર્યા પછી, તમારી સ્ક્રીન પર એક નવું પેજ ખુલશે.
આગળની પ્રક્રિયા માટે, તમારે જમણી બાજુના ઓનલાઈન સર્વિસ ટેબ પર ક્લિક કરવું પડશે અને ક્લેમ વિભાગમાં જવું પડશે. આ પછી તમારે તમારું બેંક એકાઉન્ટ વેરિફાઈ કરવું પડશે અને પછી ઓનલાઈન ક્લેમ માટે આગળ વધવાનો વિકલ્પ પસંદ કરવો પડશે. હવે અહીં 68-B હેઠળ દાવો દાખલ કરો. આ પ્રક્રિયા પૂર્ણ થયા પછી, બેંક એકાઉન્ટ ચેક અથવા પાસબુકની નકલ અપલોડ કરો. ઉલ્લેખનીય છે કે, અહીં આધાર નંબરથી વેરિફિકેશન પણ પછી થાય છે.
આ પણ વાંચો:
