નવી દિલ્હીઃ ગૃહમંત્રી અમિત શાહે ગુરુવારે આતંકવાદ વિરોધી કોન્ફરન્સને સંબોધિત કરી હતી. આ દરમિયાન તેમણે કહ્યું કે આઝાદીના 75 વર્ષ થઈ ગયા છે. દેશની સુરક્ષા જાળવવા માટે અત્યાર સુધીમાં 36 હજારથી વધુ પોલીસ જવાનોએ પોતાનો જીવ જોખમમાં મુક્યો છે. હું તેમને બધાને વંદન કરું છું અને મારી સાચી શ્રદ્ધાંજલિ અર્પણ કરું છું.
આ સાથે હું પીએમ મોદીનો પણ આભાર માનવા માંગુ છું કારણ કે વડાપ્રધાન બન્યાના 10 વર્ષની અંદર તેમણે આતંકવાદનો સામનો કરવા માટે નક્કર રણનીતિ બનાવી હતી. તમને જણાવી દઈએ કે, આ બે દિવસીય કોન્ફરન્સનું આયોજન NIA દ્વારા કરવામાં આવ્યું છે.
#WATCH | Delhi | At the inaugural session of 'Anti-Terror Conference-2024', Union Home Minister Amit Shah says, " ...the terrorist attacks and their conspiracy are against us in a borderless and invisible manner. if we have to deal with it accurately, then our young officers will… pic.twitter.com/HNGtdKK1sN
— ANI (@ANI) November 7, 2024
વિશ્વએ ઝીરો ટોલરન્સના સૂત્રને સ્વીકાર્યુંઃ કાર્યક્રમને સંબોધતા શાહે વધુમાં કહ્યું કે આજે માત્ર ભારત જ નહીં પરંતુ સમગ્ર વિશ્વએ આતંકવાદ સામે ઝીરો ટોલરન્સના સૂત્રને સ્વીકાર્યું છે. આતંકવાદ સામે લડવા માટે ભારતમાં એક મજબૂત ઇકોસિસ્ટમ બનાવવામાં આવી છે. ઉદ્ઘાટન સમારોહમાં બોલતા, ગૃહ પ્રધાને આતંકવાદી જોખમો વિશે ચેતવણી આપી હતી અને તેનો અસરકારક રીતે સામનો કરવા માટે અત્યાધુનિક ટેકનોલોજીની જરૂરિયાત પર ભાર મૂક્યો હતો. 'એન્ટિ-ટેરરિઝમ કોન્ફરન્સ-2024' કોન્ફરન્સમાં બોલતા શાહે કહ્યું હતું કે આતંકવાદી હુમલાઓ અને તેમના કાવતરાઓ સરહદ વિના અને અદ્રશ્ય રીતે આપણી વિરુદ્ધ છે. જો આપણે આનો અસરકારક રીતે સામનો કરવો હોય તો આપણા યુવા અધિકારીઓને ઉચ્ચતમ ટેક્નોલોજીથી સજ્જ અને પ્રશિક્ષિત કરવા પડશે. આગામી દિવસોમાં અમે આને તાલીમનો એક મહત્વપૂર્ણ ભાગ બનાવીશું.
#WATCH | Delhi | At the inaugural session of 'Anti-Terror Conference-2024', Union Home Minister Amit Shah says, " ...75 years of independence have passed. till now, 36,468 police personnel have sacrificed their lives to maintain the internal security and security of the borders of… pic.twitter.com/OuSVQEIxvW
— ANI (@ANI) November 7, 2024
આતંકવાદી ઘટનાઓમાં ઘટાડોઃ શાહે જાહેરાત કરી હતી કે ગૃહ મંત્રાલય આતંકવાદ સામે લડવા માટે તેના સક્રિય અભિગમમાં આગળનું પગલું લઈ રહ્યું છે અને રાષ્ટ્રીય આતંકવાદ વિરોધી નીતિ અને વ્યૂહરચના સાથે બહાર આવશે. શાહે કહ્યું કે પોલીસ એ રાજ્યનો વિષય છે અને યુદ્ધ રાજ્યની પોલીસે જ લડવું પડશે. માહિતી આપવાથી લઈને પગલાં લેવા સુધી, બધી (કેન્દ્રીય) એજન્સીઓ તમને મદદ કરશે. ગૃહ મંત્રાલયના જણાવ્યા અનુસાર આ કોન્ફરન્સનો મુખ્ય ધ્યેય 'સંપૂર્ણ સરકાર દ્રષ્ટીકોણ' ની ભાવનામાં આતંકવાદના જોખમ સામે સંકલિત કાર્યવાહી માટે એક સાંકળ સ્થાપિત કરીને વિવિધ હિતધારકો વચ્ચે સુમેળ વિકસાવવા અને ભાવિ નીતિ નિર્માણ માટે નક્કર ઇનપુટ્સ રજૂ કરવાનો છે. શાહે વધુમાં કહ્યું કે જો આપણે 2006 થી 2013 અને 2014 થી 2021 સુધીના સમય પર નજર કરીએ તો આતંકવાદી ઘટનાઓમાં લગભગ 70 ટકાનો ઘટાડો થયો છે.
ગૃહ મંત્રાલયના જણાવ્યા અનુસાર, બે દિવસીય કોન્ફરન્સમાં વિચાર-વિમર્શ અને ચર્ચા આતંકવાદ વિરોધી તપાસમાં કાર્યવાહી અને કાયદાકીય માળખું વિકસાવવા, અનુભવો અને સારી પ્રથાઓનું આદાનપ્રદાન, ઉભરતી તકનીકો સાથે સંબંધિત પડકારો અને તકો સહિત વિવિધ મહત્વપૂર્ણ મુદ્દાઓ પર ધ્યાન કેન્દ્રિત કરશે. વ્યૂહરચનાઓમાં આંતરરાષ્ટ્રીય કાનૂની સહયોગ અને સમગ્ર ભારતમાં વિવિધ આતંકવાદ વિરોધી થિયેટરોમાં આતંકવાદી ઇકોસિસ્ટમનો નાશ કરવાનો સમાવેશ થાય છે.
