નવી દિલ્હીઃ રાષ્ટ્રપતિ ભવનના 2 મહત્વના હોલ 'દરબાર હોલ' અને 'અશોકા હોલ'નું નામ બદલવામાં આવ્યું છે. દરબાર હોલ હવે 'ગણતંત્ર મંડપ' તરીકે ઓળખાશે અને અશોક હોલ 'અશોક મંડપ' તરીકે ઓળખાશે. રાષ્ટ્રપતિ ભવન એ ભારતના રાષ્ટ્રપતિનું કાર્યાલય અને નિવાસસ્થાન હોવા ઉપરાંત રાષ્ટ્રનું પ્રતીક અને દેશની અમૂલ્ય ધરોહર છે. સરકારના આ નિર્ણયને વિરોધ પક્ષોએ વખોડી કાઢ્યો છે. આ અંગે કોંગ્રેસ મહાસચિવ પ્રિયંકા ગાંધી વાડ્રાએ કહ્યું છે કે, દરબારનો કોઈ ખ્યાલ નથી, પરંતુ શહેનશાહનો ખ્યાલ છે.
President Droupadi Murmu renames two of the important halls of Rashtrapati Bhavan – namely, ‘Durbar Hall’ and ‘Ashok Hall’ – as ‘Ganatantra Mandap’ and ‘Ashok Mandap’ respectively: Rashtrapati Bhavan pic.twitter.com/2q6F5ZdVaq
— ANI (@ANI) July 25, 2024
રાષ્ટ્રપતિ કાર્યાલયના નિવેદન અનુસાર જનતા માટે તેને વધુ સુલભ બનાવવા માટે સતત પ્રયાસો કરવામાં આવી રહ્યા છે. રાષ્ટ્રપતિ ભવનના વાતાવરણને ભારતીય સાંસ્કૃતિક મૂલ્યો અને નૈતિકતાનું પ્રતિબિંબિત કરવા માટે સતત પ્રયાસો કરવામાં આવ્યા છે. જે સંદર્ભે રાષ્ટ્રપતિ દ્રૌપદી મુર્મુ રાષ્ટ્રપતિ ભવનના બે મહત્વપૂર્ણ હોલ - 'દરબાર હોલ' અને 'અશોકા હોલ'ના નામ બદલીને 'ગણતંત્ર મંડપ' અને 'અશોક મંડપ' કરવા માટે તૈયાર થયા છે.
દરબાર હોલ એ રાષ્ટ્રીય પુરસ્કારોની પ્રસ્તુતિ જેવા કાર્યક્રમોનું આયોજન કરવા માટેનું સ્થળ છે. નિવેદનમાં એમ પણ કહેવામાં આવ્યું છે કે 'દરબાર' શબ્દ ભારતીય શાસકો અને બ્રિટિશ અદાલતો અને એસેમ્બલીઓનો ઉલ્લેખ કરે છે. જો કે, ભારત પ્રજાસત્તાક બન્યા પછી 'પ્રજાસત્તાક'ની વિભાવના પ્રાચીન સમયથી ભારતીય સમાજમાં સહજ છે. 'ગણતંત્ર મંડપ'એ આ હોલનું યોગ્ય નામ છે.
#WATCH | Two of the important halls of Rashtrapati Bhavan – namely, ‘Durbar Hall’ and ‘Ashok Hall’ – renamed as ‘Ganatantra Mandap’ and ‘Ashok Mandap’ respectively
— ANI (@ANI) July 25, 2024
Congress leader Priyanka Gandhi Vadra says, " there is no concept of 'durbar' but that of 'shehenshah." pic.twitter.com/kWPNnqtab9
આ ઉપરાંત 'અશોક' શબ્દનો અર્થ એવો થાય છે કે જે તમામ દુઃખોથી મુક્ત હોય. અશોકનો અર્થ સમ્રાટ અશોક છે. જે એકતા અને શાંતિપૂર્ણ સહઅસ્તિત્વનું પ્રતીક છે. અશોક સ્તંભ ભારતીય પ્રજાસત્તાકનું રાષ્ટ્રીય પ્રતીક છે. તેથી અશોક હોલનું નામ બદલીને 'અશોક મંડપ' કરવામાં આવ્યું છે.
