નવી દિલ્હી: દિલ્હીના મુખ્યપ્રધાન અરવિંદ કેજરીવાલને એન્ફોર્સમેન્ટ ડિરેક્ટોરેટ (ED) દ્વારા ગુરુવારે રાત્રે દિલ્હી દારૂ કૌભાંડ સંબંધિત મની લોન્ડરિંગ કેસમાં ધરપકડ કરવામાં આવી હતી. કેજરીવાલના સત્તાવાર નિવાસસ્થાન પર લગભગ 4 કલાક સુધી ચાલેલા સર્ચ ઓપરેશન બાદ EDની ટીમ મોડી રાત્રે તેમને તેમની ઓફિસ લઈ ગઈ હતી. દારૂ કૌભાંડ કેસમાં ED દ્વારા આ 16મી ધરપકડ. ઈડી દ્વારા આજે કેજરીવાલને દિલ્હીની રાઉજ એવન્યૂ કોર્ટમાં રજૂ કરવામાં આવ્યાં હતાં. કોર્ટે કેજરીવાલ 28 માર્ચ સુધી રિમાન્ડ પર મોકલવાનો આદેશ આપ્યો છે. જોકે, ઈડીએ તેમના 10 દિવસના રિમાન્ડ માગ્યા હતાં. પદ પર રહીને મુખ્યમંત્રીની ધરપકડનો આ પહેલો કિસ્સો છે.
કેજરીવાલને કોર્ટમાં રજૂ કરાયા: અરવિંદ કેજરીવાલની ધરપકડ બાદ દિલ્હીના રાજકારણમાં ગરમાવો આવી ગયો છે. કેજરીવાલની ધરપકડ બાદ AAP આજે દેશભરમાં વિરોધ પ્રદર્શન કરવામાં આવ્યાં . તે જ સમયે, ED કેજરીવાલને PMLA કોર્ટમાં રજૂ કર્યા અને વધુ પૂછપરછ માટે તેમને કસ્ટડી આપવા વિનંતી કરી હતી. EDએ આ કેસમાં અત્યાર સુધીમાં છ ચાર્જશીટ દાખલ કરી છે અને 128 કરોડની સંપત્તિ જપ્ત કરી છે. કેજરીવાલે આ કેસમાં પૂછપરછ માટે ED દ્વારા જારી કરાયેલા નવ સમન્સ ટાળ્યા હતા. તેમાંથી ગુરુવારે 21 માર્ચે નવું સમન્સ જારી કરવામાં આવ્યું હતું. તેમણે આ સમન્સને 'ગેરકાયદેસર' ગણાવ્યા છે.
દિલ્હીના સીએમ અરવિંદ કેજરીવાલની ધરપકડ પર AAP નેતા અને દિલ્હીના મંત્રી આતિશીએ કહ્યું કે, "આ પહેલીવાર છે જ્યારે કેન્દ્ર સરકાર દ્વારા કોઈ સીટીંગ સીએમની ધરપકડ કરવામાં આવી છે. દેશના ઈતિહાસમાં આવું પહેલીવાર બન્યું છે કે લોકસભાની ચૂંટણીની જાહેરાત બાદ રાષ્ટ્રીય પક્ષના રાષ્ટ્રીય કન્વીનરની ધરપકડ કરવામાં આવી છે. અરવિંદ કેજરીવાલની ધરપકડ એ ભાજપનું રાજકીય કાવતરું છે."
સીએમ અરવિંદ કેજરીવાલની ધરપકડ પર AAP નેતા ગોપાલ રાયે કહ્યું કે, "અરવિંદ કેજરીવાલની ધરપકડ આ દેશની અંદર સરમુખત્યારશાહીની ઘોષણા છે અને લોકશાહીની હત્યાનો પુરાવો છે, પરંતુ દેશ આ તાનાશાહી સામે લડશે. સમગ્ર દેશના લોકો અરવિંદ કેજરીવાલ બનીને આ અવાજ ઉઠાવશે અને આ લડાઈ લડશે.
AAPનો દેશવ્યાપી વિરોધ: સીએમ અરવિંદ કેજરીવાલની મેડિકલ તપાસ માટે ડોક્ટરોની એક ટીમ ED ઓફિસ પહોંચી છે. મેડિકલ તપાસ બાદ ED કેજરીવાલની પૂછપરછ કરશે. ED આજે તેને કોર્ટમાં પણ રજૂ કરશે. આજે કાર્યકર્તાઓ આમ આદમી પાર્ટીના મુખ્યાલય પર એકઠા થશે. આમ આદમી પાર્ટીએ બીજેપી હેડક્વાર્ટરની બહાર વિરોધ પ્રદર્શન કરવાની યોજના બનાવી છે. આમ આદમી પાર્ટીના કાર્યાલય તરફ જતા રસ્તાઓ બંધ થવાને કારણે ITO ખાતે ભારે ટ્રાફિક જામ છે. અહીં લાંબા અંતર સુધી રસ્તા પર કારની લાંબી કતારો જોવા મળે છે.
ઈડીએ કરેલી ધરપકડ સામે અરવિંદ કેજરીવાલે સુપ્રીમ કોર્ટનો સંપર્ક કર્યો છે. ગઈકાલે સુપ્રીમ કોર્ટે ધરપકડ અંગે કોઈ વિશેષ બેંચની રચના કરી ન હતી. આજે સુનાવણી થવાની છે.
અરવિંદ કેજરીવાલે ED લોકઅપમાં રાત વિતાવી: સૂત્રોના જણાવ્યા અનુસાર અરવિંદ કેજરીવાલને ED લોકઅપમાં રાખવામાં આવ્યા છે. તેને જ્યાં રાખવામાં આવ્યો છે તે રૂમ એરકન્ડિશન્ડ છે. આજે સવારે ડોક્ટરોની ટીમ તેનું મેડિકલ ચેકઅપ કરશે. મેડિકલ ચેકઅપ બાદ જ તેને કોર્ટમાં રજૂ કરવામાં આવશે. ઈડીએ અરવિંદ કેજરીવાલના ઘરેથી કેટલાક ઈલેક્ટ્રોનિક ગેજેટ્સ અને દસ્તાવેજો પણ જપ્ત કર્યા છે.
