અમદાવાદ : આજે 27 જૂન, 2024ના રોજ જન્માક્ષરમાં આજની ભાગ્યશાળી રાશિઓ જાણો. આ રાશિફળમાં આપણે જાણીશું કે કઈ રાશિના જાતકોનું આજનો દિવસ સારો રહેશે. કાર્યક્ષેત્રમાં બધી બાર રાશિઓનો દિવસ કેવો પસાર થશે. કોને મળશે પાર્ટનરનો સાથ. આજનું રાશિફળ ચંદ્ર પર આધારિત છે.
મેષ: ચંદ્ર આજે કુંભ રાશિમાં રહેશે. આપના માટે ચંદ્ર એકાદશ ભાવમાં ભ્રમણ કરશે. આપનો આજનો દિવસ શુભ નીવડશે. આજે આપ સગાં સ્નેહીઓ, મિત્રવર્તુળ સાથે સામાજિક કાર્યોમાં રચ્યાપચ્યા રહેશો. આજે મિત્રો તરફથી લાભ પણ થાય અને મિત્રો પાછળ ખર્ચ પણ થાય. આજે વડીલો સાથે સંપર્ક અને વ્યવહાર કરવાનું બને. આજે આપને કોઇ રમણીય પર્યટન સ્થળની મુલાકાત લેવાનું સૌભાગ્ય પ્રાપ્ત થશે. આકસ્મિક ધનલાભ થાય. સંતાનોથી સારો લાભ છે.
વૃષભ: ચંદ્ર આજે કુંભ રાશિમાં રહેશે. આપના માટે ચંદ્ર દશમ ભાવમાં ભ્રમણ કરશે. આપનો આજનો દિવસ એકંદરે સારો રહે. આજે આપ નવા કાર્યોનું આયોજન હાથ ધરી શકશો. નોકરી કરનાર તેમજ વ્યવસાયિકો માટે સારો દિવસ છે. નોકરિયાતો ઉપરી અધિકારીઓની કૃપાદૃષ્ટિ મેળવી શકશે. આજે આપના અધૂરાં કાર્યો પૂર્ણતા તરફ આગળ વધે. નોકરીમાં બઢતીથી આર્થિક લાભ થાય. સરકારી લાભ મળે. ગૃહસ્થ જીવનમાં તમારૂં વર્ચસ્વ વધે અને મધુરતા વ્યાપે. ભેટ- ઉપહાર માન- સન્માનથી મન પ્રસન્ન રહે.
મિથુન: ચંદ્ર આજે કુંભ રાશિમાં રહેશે. આપના માટે ચંદ્ર નવમ ભાવમાં ભ્રમણ કરશે. આજના દિવસે આપને કોઇક કારણસર મનમાં ચિંતાનું પ્રમાણ રહેશે. શરીરમાં થોડો થાક, આળસ અને અશક્તિ રહેવાથી કામ કરવામાં ઉત્સાહનું પ્રમાણ ઓછું રહેશે. પેટના દર્દો હોય તેવા જાતકોએ અગાઉથી સાવચેતી વધારવી પડશે. નાણાંનો અપવ્યય ના થાય તે માટે કોઈપણ ખર્ચ કે રોકાણમાં સાવચેતી વધારજો. વ્યવસાયમાં થોડી પ્રતિકૂળતાઓનો સામનો કરવાની તૈયારી રાખવી. સહકર્મચારીઓનો સાથ સહકાર અપેક્ષા કરતા ઓછો મળે. વિરોધીઓ તેમજ હરીફો સાથે શક્ય હોય ત્યાં સુધી ચર્ચામાં ઊંડા ઉતરવું નહીં. સંતાનોનાં આરોગ્યની વધુ કાળજી લેવી પડશે તેમજ આજે કોઇપણ કાર્ય શરૂ કરો તો તેમાં સફળતા ઓછી અથવા વિલંબથઈ મળી શકે છે. રાજકીય પ્રશ્નો હાલમાં ઉકેલાય તેવી આશા ઓછી છે.
કર્ક: ચંદ્ર આજે કુંભ રાશિમાં રહેશે. આપના માટે ચંદ્ર અષ્ટમ ભાવમાં ભ્રમણ કરશે. આજે આપે દરેક બાબતમાં સાવધાનીપૂર્વક વર્તવું પડશે. પરિવારના સભ્યો સાથે વાદવિવાદ નિવારવો. વાણી પર સંયમ અને ગુસ્સા પર કાબૂ રાખવાથી કેટલાક અનિષ્ટો નિવારી શકશો. આજે આપની માનસિક હાલત સ્વસ્થ નહીં હોય. વધુ પડતો ખર્ચ થવાથી નાણાંભીડ અનુભવાશે. સમયસર ભોજન ન મળે. અનૈતિક પ્રવૃત્તિઓ અને નિષેધાત્મક કાર્યોથી દૂર રહેવાની સલાહ આપવામાં આવે છે. આધ્યાત્મિકતા અને ઇશ્વરનું નામ સ્મરણ લાભકારક નીવડશે.
સિંહ: ચંદ્ર આજે કુંભ રાશિમાં રહેશે. આપના માટે ચંદ્ર સપ્તમ ભાવમાં ભ્રમણ કરશે. લગ્નજીવનમાં નજીવા ખટરાગથી પતિ- પત્ની વચ્ચે આજે સુમેળ જાળવી રાખવા માટે બંનેએ એકબીજાની વાત સમજવી પડશે અને પારસ્પરિક સહકારની ભાવના વધારવી પડશે. જીવનસાથીની તબિયતની પણ થોડી કાળજી લેવાની સલાહ છે. વ્યવસાય કરતા વેપારીઓએ ભાગીદારો સાથે ધીરજથી કામ લેવું. શક્ય હોય તો વ્યર્થ ચર્ચા કે વિવાદમાં ન પડવું. કોર્ટ કચેરીના મામલા શક્ય હોય તો. જાહેરજીવનમાં તેમજ સામાજિક જીવનમાં યશ ન મળે. વિજાતીય પાત્રો સાથેની મુલાકાતમાં સાવધાની રાખવાની સલાહ છે.
કન્યા: ચંદ્ર આજે કુંભ રાશિમાં રહેશે. આપના માટે ચંદ્ર ષષ્ટમ ભાવમાં ભ્રમણ કરશે. વર્તમાન દિવસે આપ તનમનથી સ્ફૂર્તિ અને સ્વસ્થતાનો અનુભવ કરશો. ઘરમાં પણ આનંદનું વાતાવરણ રહે. નોકરીમાં સહકાર્યકરોનો સાથ સહકાર મળી રહેશે. પ્રતિસ્પર્ધીઓ તેમની ચાલમાં નિષ્ફળ જશે. બીમાર માણસને તબિયતમાં સુધારો થતો જણાય. મોસાળ પક્ષ તરફથી કોઇ સમાચાર મળે. કાર્યમાં યશની પ્રાપ્તિ થાય. સામાન્ય ખર્ચ વધારે રહે.
તુલા: ચંદ્ર આજે કુંભ રાશિમાં રહેશે. આપના માટે ચંદ્ર પંચમ ભાવમાં ભ્રમણ કરશે. આપનો આજનો દિવસ મધ્યમ ફળદાયી નીવડશે. સંતાનોની કોઇપણ બાબતોમાં તમારે વધુ ધ્યાન આપવું પડશે. મનમાં ચિંતા ઉદ્વેગ ના રહે તે માટે કામની સાથે મનોરંજનની પ્રવૃત્તિઓમાં રસ લેવો. વિદ્યાભ્યાસમાં વધુ મહેનત કરવી પડશે. વાટાઘાટો કે બૌદ્ધિક ચર્ચામાં હઠાગ્રહ છોડવો પડશે. નવા કાર્યમાં શરૂઆતમાં નિષ્ફળતા મળે પરંતુ તમારા પ્રયાસો અને કર્મનિષ્ઠા છેવટે કામ કરી જશે. પ્રિયપાત્ર સાથે મુલાકાત થાય. માનભંગ થાય તેવા કાર્યોથી દૂર રહેવાની સલાહ છે. મુસાફરી ટાળવી.
વૃશ્ચિક: ચંદ્ર આજે કુંભ રાશિમાં રહેશે. આપના માટે ચંદ્ર ચતુર્થ ભાવમાં ભ્રમણ કરશે. આપને આજનો દિવસ શાંત મગજથી પસાર કરવા માટે સલાહ આપવામાં આવે છે. ચિંતાતુર મન અને શરીરની અસ્વસ્થતા આપને બેચેન રાખશે. નિકટના આપ્તજનો સાથે મનદુ:ખ ના થાય તેની કાળજી પણ તમારે રાખવી પડશે. માતાની તબિયતની વિશેષ કાળજી લેવાની સલાહ છે. સ્ત્રી તેમજ પાણીથી સંભાળવું. આર્થિક નુકસાનની શક્યતા છે. વાહન મિલકતના દસ્તાવેજો કરવામાં સાવચેતી રાખવી.
ધન: ચંદ્ર આજે કુંભ રાશિમાં રહેશે. આપના માટે ચંદ્ર તૃતીય ભાવમાં ભ્રમણ કરશે. નવા કાર્યની શરૂઆત કરવા માટે આજનો દિવસ શુભ છે. ભાઇભાંડુઓ સાથે આજે સારો મનમેળ અને કુટુંબીઓ સાથે કોઇ પ્રવાસના સ્થળની મુલાકાત થાય. આરોગ્ય સારું રહે. પ્રિયપાત્ર સાથે આપની મુલાકાત થાય. ભાગ્યવૃદ્ધિ થાય. ગૂઢ રહસ્યવાદ તેમજ આધ્યાત્મિકતામાં વધારે રસ લેશો. કાર્ય સફળતાનો દિવસ છે. જાહેર માન- સમાન મળે.
મકર: ચંદ્ર આજે કુંભ રાશિમાં રહેશે. આપના માટે ચંદ્ર દ્વિતિય ભાવમાં ભ્રમણ કરશે. આજના દિવસે કુટુંબીજનો સાથે મનદુ:ખનો કોઇ પ્રસંગ ઉભો ન થાય તેનું ધ્યાન રાખવાની સલાહ આપવામાં આવે છે. સંયમિત વાણી આપને ઘણી મુશ્કેલીઓમાંથી ઉગારી લેશે. શેરસટ્ટા વગેરેમાં પૈસા રોકવા માટે આપ આયોજન કરશો. આર્થિક લાભ થાય. આજે આપનું આરોગ્ય મધ્યમ રહે. આંખમાં તકલીફ ઉભી થવાની શક્યતા છે. નકારાત્મક વિચારોને દૂર હટાવી દેવા. વિદ્યાર્થીઓએ અભ્યાસમાં વધારે ધ્યાન આપવું પડશે.
કુંભ: ચંદ્ર આજે કુંભ રાશિમાં રહેશે. આપના માટે ચંદ્ર પ્રથમ ભાવમાં ભ્રમણ કરશે. આપનો આજનો દિવસ શુભ ફળદાયક હોવાનું જણાઈ રહ્યું છે. આજે ભૌતિક અને આધ્યાત્મિક બંને રીતે આપનો સારો અનુભવ થાય. શારીરિક અને માનસિક પ્રસન્નતાથી આપ ખુશખુશાલ રહેશો. કુટુંબીજનો અને દોસ્તો સાથે બહાર ફરવા જાઓ તેમજ સુરૂચિપૂર્ણ ભોજન લો. તેમના તરફથી ભેટ ઉપહાર મળતાં આનંદ અનુભવશો. આજે કોઇ વિચારો અંગે ઉંડું ચિંતન કરી શકો. આધ્યાત્િમકતા પણ આજે આપને સ્પર્શી જાય. દાંપત્યજીવનનો આનંદ માણી શકશો.
મીન: ચંદ્ર આજે કુંભ રાશિમાં રહેશે. આપના માટે ચંદ્ર દ્વાદશ ભાવમાં ભ્રમણ કરશે. આજે આપને ટૂંકાગાળાના લાભની લાલચમાં ન ફસાવાની ચેતવણી આપવામાં આવે છે. આર્થિક બાબતમાં ખુબ જ સંભાળપૂર્વકનું પગલું લેવું. રોકાણકારોએ પણ મૂડી રોકાણ સાચવીને કરવું. અગત્યના કાગળો પર સહી-સિક્કા કરતા પહેલા ધ્યાન રાખવું. ધાર્મિક કાર્યો પાછળ ધનખર્ચ થાય. કોર્ટ-કચેરીના મામલામાં સંભાળીને કામ કરવું. આપના મનની એકાગ્રતા ઓછી રહેશે. સ્વાસ્થ્યની પણ વધુ કાળજી લેવાની સલાહ છે. સ્વજનો સાથે મતભેદ ટાળી સૌહાર્દ વધારજો.
