અમદાવાદ : આજે 15 જૂલાઈ, 2024ના રોજ જન્માક્ષરમાં આજની ભાગ્યશાળી રાશિઓ જાણો. આ રાશિફળમાં આપણે જાણીશું કે કઈ રાશિના જાતકોનું આજનો દિવસ સારો રહેશે. કાર્યક્ષેત્રમાં બધી બાર રાશિઓનો દિવસ કેવો પસાર થશે. કોને મળશે પાર્ટનરનો સાથ. આજનું રાશિફળ ચંદ્ર પર આધારિત છે.
મેષ: આજે ચંદ્ર તુલા રાશિમાં ભ્રમણ કરી રહ્યો છે. ચંદ્ર આપની રાશિથી સપ્તમ ભાવમાં રહેશે. આજે આપની ઉપર છે તેથી આજનો દિવસ સારી રીતે પસાર કરશો. આજે સુખમય દાંપત્યજીવનની સાથે સાથે બહાર હરવા ફરવાનો અને ભાવનાં ભોજન મળવાનો યોગ છે. વાહનસુખ સારું રહે. ખોવાયેલી વસ્તુ પરત મળવાની શક્યતા છે. ગૃહસ્થ જીવનમાં આનંદ વ્યાપી રહે. વિચારોના આવેગને અંકુશમાં રાખવો. એક્સપોર્ટ- ઇમ્પોર્ટ સાથે સંકળાયેલા વેપારીઓને લાભ અને સફળતા મળે. બૌદ્ધિક ચર્ચામાં જોડાઓ તો પણ વિવાદ ટાળી સમાધાનકારી વલણ અપનાવવું પડે.
વૃષભ: આજે ચંદ્ર તુલા રાશિમાં ભ્રમણ કરી રહ્યો છે. ચંદ્ર આપની રાશિથી ષષ્ટમ ભાવમાં રહેશે. આપનો આજનો દિવસ આનંદ અને ખુશાલીમાં પસાર થશે. આપ વ્યવસ્થિત રીતે આપના કામમાં આગળ વધી શકશો અને યોજના મુજબ જેને પાર પાડી શકશો. આપના બાકી રહેલા કાર્યોને પણ સફળતાથી પૂરાં કરી શકશો. ઓફિસમાં સહકર્મચારીઓનો સહકાર સાંપડશે. મોસાળમાંથી કોઇ શુભ સમાચાર મળે અથવા કોઇનું મિલન થાય. માનસિક રીતે આપ પ્રફુલ્લિતતા અનુભવો. આજે આરોગ્ય સારું રહે.
મિથુન: આજે ચંદ્ર તુલા રાશિમાં ભ્રમણ કરી રહ્યો છે. ચંદ્ર આપની રાશિથી પંચમ ભાવમાં રહેશે. આજે આપને સંતાનો અને જીવનસાથીના સ્વાસ્થ્યની આજે વધુ કાળજી લેવાની સલાહ છે. બીજાના વિવાદ કે ચર્ચામાં પડશો નહીં. સ્ત્રી મિત્રો ખર્ચ કરાવે. તેમની સાથે આર્થિક વ્યવહારમાં વધુ પડતો આંધળો વિશ્વાસ મુકવો નહીં. આપની પ્રતિષ્ઠા સામે પ્રશ્ન થાય તેવા કાર્યોથી અંતર રાખવું. પેટમાં પીડા કે તકલીફ થઇ શકે છે. હમણાં કોઇ નવી શરૂઆત કે પ્રવાસ ન કરશો.
કર્ક: આજે ચંદ્ર તુલા રાશિમાં ભ્રમણ કરી રહ્યો છે. ચંદ્ર આપની રાશિથી ચતુર્થ ભાવમાં રહેશે. આપનો વર્તમાન દિવસ થોડું સંભાળીને ચાલવા જેવો છે. કારણ કે શારીરિક અને માનસિક અસ્વસ્થતાના કારણે આપનામાં કામ કરવાનો ઉત્સાહ જરૂર કરતા ઓછો રહે. છાતીમાં દર્દ કે અન્ય કોઇ વિકારથી પીડાતા જાતકોએ અત્યારે સારવારમાં જરાય ગાફેલ રહેવું પોષાય તેમ નથી. ઘરના સભ્યો સાથે કોઈપણ બાબતે શાંતિથી બેસીને ચર્ચા કરવી અને દરેકને જેટલો વધુ આદર આપશો એટલા સંબંધોમાં ઘનિષ્ઠતા અનુભવશો. જાહેર પ્રતિષ્ઠાનો વધુ પડતો મોહ રાખવો નહીં. અનિદ્રાના કારણે પણ મન થોડુ વ્યાકુળ રહી શકે છે.
સિંહ: આજે ચંદ્ર તુલા રાશિમાં ભ્રમણ કરી રહ્યો છે. ચંદ્ર આપની રાશિથી તૃતીય ભાવમાં રહેશે. આજે આપ તન અને મનથી સ્વસ્થ અને પ્રફુલ્લિત રહેશો. પાડોશીઓ અને ભાઈભાંડુ સાથેના સંબંધો સુમેળભર્યા રહેશે. ધાર્યું કામ પાર પડશે. નાનો પ્રવાસ થાય. ભાગ્યવૃદ્ધિ માટેની તકો સામે આવશે. હરીફો પર આપ વિજય મેળવી શકશો. પ્રિયજનની નિકટતા આપને હર્ષિત કરશે. લાગણીભર્યા સંબંધોની ગહનતાનો પરિચય થશે. આર્થિક લાભ મળશે.
કન્યા: આજે ચંદ્ર તુલા રાશિમાં ભ્રમણ કરી રહ્યો છે. ચંદ્ર આપની રાશિથી દ્વિતિય ભાવમાં રહેશે. આજે આપનું વલણ દ્વિધાભર્યું રહે. નકારાત્મક વિચારો મનની અસ્વસ્થતા વધારવાનો પ્રયાસ કરી શકે છે માટે વિચારોમાં સકારાત્મકતા અને સ્વભાવમાં ઉત્સાહ લાવવાનો પ્રયાસ કરવો. કુટુંબીજનો સાથે ગેરસમજ ટાળવી. બિનજરુરી ખર્ચ થાય. વિદ્યાર્થીઓને અભ્યાસમાં એકાગ્રતા વધારવા માટે વધુ મહેનત કરવી પડશે. બૌદ્ધિક ચર્ચા દરમ્યાન વિવાદ ટાળવાની આપને સલાહ છે. પ્રવાસની શક્યતા છે. આયાત-નિકાસના વ્યવસાયમાં સફળતા મળશે.
તુલા: આજે ચંદ્ર તુલા રાશિમાં ભ્રમણ કરી રહ્યો છે. ચંદ્ર આપની રાશિથી પ્રથમ ભાવમાં રહેશે. વર્તમાન સમયમાં આપ ખૂબ સારી રીતે આર્થિક આયોજન પાર પાડી શકશો. આજે આપની કલાત્મક અને સર્જનાત્મક શક્તિ શ્રેષ્ઠતમ રહેશે. શારીરિક અને માનસિક રીતે તંદુરસ્ત રહેશો. દૃઢ વિચાર અને આત્મવિશ્વાસથી કામ પાર પાડી શકશો. ભાગીદારો સાથે સુમેળ રહેશે. મોજશોખ મનોરંજન પાછળ ધનખર્ચ થાય. દાંપત્યજીવનમાં નિકટતા અનુભવાય.
વૃશ્ચિક: આજે ચંદ્ર તુલા રાશિમાં ભ્રમણ કરી રહ્યો છે. ચંદ્ર આપની રાશિથી દ્વાદશ ભાવમાં રહેશે. આજના દિવસ દરમ્યાન આનંદ પ્રમોદ તથા મનોરંજન પાછળ નાણાં ખર્ચાશે. માનસિક ચિંતા અને શારીરિક તકલીફોથી પરેશાન થવાય. અસંયમિત વાણી કે વર્તન ઝઘડા ટંટાનું કારણ બની શકે છે. કુટુંબીજનો અને સગાંસ્નેહીઓ સાથે અણબનાવ રહે.
ધન: આજે ચંદ્ર તુલા રાશિમાં ભ્રમણ કરી રહ્યો છે. ચંદ્ર આપની રાશિથી એકાદશ ભાવમાં રહેશે. પ્રેમનો સુખદ અનુભવ મેળવવાનું સૌભાગ્ય પ્રાપ્ત થાય. આર્થિક, સામાજિક અને કૌટુંબિક દૃષ્ટિએ આજે લાભનો દિવસ છે. ગૃહસ્થજીવનમાં આનંદ છવાયેલો રહેશે. મિત્રો, ખાસ કરીને સ્ત્રી મિત્રોથી લાભ તેમજ પ્રવાસનું આયોજન થાય. આવકના સાધનોમાં વધારો થાય. વેપારમાં વૃદ્ધિ અને લાભ થાય. લગ્નયોગ છે, માંગલિક કાર્યો થાય. ઉત્તમ ભોજન મળે.
મકર: આજે ચંદ્ર તુલા રાશિમાં ભ્રમણ કરી રહ્યો છે. ચંદ્ર આપની રાશિથી દશમ ભાવમાં રહેશે. વ્યવસાયક્ષેત્રે ધન, માન, પ્રતિષ્ઠા વધશે. નોકરીમાં પણ આપની મહેનત રંગ લાવતી લાગે, ઘર, પરિવાર અને સંતાનોની બાબતમાં આનંદ અને સંતોષની લાગણી અનુભવશો. વ્યવસાયિક કામ અંગે દોડધામ વધશે. નોકરીમાં પદોન્નતિ થાય. સરકારી કાર્યોમાં સફળતા મળે અને સરકાર તથા મિત્રો, સંબંધીઓથી ફાયદો થાય.
કુંભ: આજે ચંદ્ર તુલા રાશિમાં ભ્રમણ કરી રહ્યો છે. ચંદ્ર આપની રાશિથી નવમ ભાવમાં રહેશે. આજે આપ તબિયતમાં આંશિક અસ્વસ્થતા અનુભવશો, પરંતુ માનસિક રીતે સ્વસ્થ હશો. કામ કરવામાં ઉત્સાહ હંમેશા કરતા થોડો ઓછો વર્તાશે. ઓફિસમાં ઉચ્ચ અધિકારીઓ સાથે બોલચાલમાં વિનમ્ર રહેવું. હરીફો સાથે દલીલોમાં ઉતરવું આજે યોગ્ય નથી. મોજશોખ પાછળ વિશેષ ખર્ચ થશે. મુસાફરીનો યોગ છે. વિદેશગમનની શક્યતાઓ ઉદભવે તથા વિદેશથી સમાચાર મળે. સંતાનોની બાબતોમાં તમે વધુ વ્યસ્ત રહેશો.
મીન: આજે ચંદ્ર તુલા રાશિમાં ભ્રમણ કરી રહ્યો છે. ચંદ્ર આપની રાશિથી અષ્ટમ ભાવમાં રહેશે. આપને આજનો દિવસ ઇશ્વરભક્તિ અને આધ્યાત્મિક પ્રવૃત્તિઓમાં ગાળવાની સલાહ છે. કારણ કે આજના દિવસે આપને થોડી પ્રતિકૂળતાઓનો સામનો કરવો પડશે. તંદુરસ્તીની બાબતમાં આજે વિશેષ ધ્યાન આપવું પડશે. માંદગી પાછળ ખર્ચ કરવો પડે. આકસ્મિક ખર્ચ થવાનો પણ સંભવ છે. કુટુંબીજનો સાથે સંભાળીને રહેવું. આકસ્િમક ધનલાભ આપના મનના ભારને હળવો કરશે. વેપારીઓને ઉઘરાણીના નાણાં મળે.
