રાજસ્થાન: રાજ્યમાં ફરી એકવાર ચોમાસાએ જોર પકડ્યું છે, શનિવારે જાલોરના સુંધા માતા પર્વત પર ભારે વરસાદ થયો હતો. આ વરસાદને કારણે ગુજરાતમાંથી દર્શન માટે આવેલી એક ગુજરાતી મહિલા પ્રવાસીનું મોત થયું હતું. સ્થાનિક ટ્રસ્ટના કર્મચારીઓની સાથે પોલીસ કર્મચારીઓએ પણ જોરદાર પ્રવાહના કારણે પર્વત પરથી વહેતા પાણી વચ્ચે ચાર લોકોને બચાવ્યા છે. સુંધા માતા પર્વત પર ધોધમાર વરસાદના કારણે પગથિયા પરથી આ તેજ પ્રવાહ પાણીનો વહી રહ્યો છે અને અહીં એક વૃદ્ધાનો મૃતદેહ પણ મળી આવ્યો છે.
આ પહેલા શુક્રવારે રાજસ્થાનના જયપુર, ધૌલપુર, ઉદયપુર, રાજસમંદ, ચિત્તૌરગઢ, કોટા, ઝાલાવાડ અને પાલી જિલ્લામાં છૂટાછવાયા સ્થળોએ ભારે વરસાદ થયો હતો, જ્યારે બાંસવાડા અને સિરોહી જિલ્લામાં અલગ-અલગ સ્થળોએ ભારે વરસાદ નોંધાયો હતો. આ સમયગાળા દરમિયાન, ભૂંગરા (ભીલવાડા)માં મહત્તમ 131.0 મીમી અને પશ્ચિમ રાજસ્થાનના મારવાડ જંકશન (પાલી)માં 75 મીમી વરસાદ નોંધવામાં આવ્યો છે.
