Murder at Manikpur: পৰকীয়া প্ৰেমৰ পৰিণাম ! চোকা অস্ত্ৰৰে বোৱাৰীক হত্যা

বঙাইগাঁও জিলাৰ বৰঘোলা আৰক্ষী নিৰীক্ষণ চকীৰ অন্তৰ্গত টেনটনপুৰত নিশা দুই সন্তানৰ মাতৃক চোকা অস্ত্ৰৰে হানি হত্যা কৰাৰ অভিযোগ জেহেৰুল ইছলামৰ বিৰুদ্ধে( Women died in Bongaigaon) । অভিযোগ অনুসৰি জেহেৰুল ইছলাম নামৰ যুৱকজনে ৰেজিনা খাতুনৰ বাসগৃহত স্বামী নথকাৰ সুযোগ লৈ প্ৰৱেশ কৰি এই হত্যাকাণ্ড সংঘটিত কৰে । পৰিয়ালৰ লোকে জানিবলৈ দিয়া মতে, হত্যাকাণ্ড সংঘটিত কৰি জেহেৰুলে নিজৰ পেটতে চোকা অস্ত্ৰৰে আঘাত কৰি আত্মহত্যাৰ অপচেষ্টা কৰে । উক্ত ঘটনাত নিহত মহিলাগৰাকীৰ নাম ৰেজিনা খাতুন বুলি জানিব পৰা গৈছে ৷ ইয়াৰ পিছতে হত্যাকাৰী জেহেৰুলক সংকটজনক অৱস্থাত বঙাইগাঁৱৰ এখন চিকিৎসালয়ত ভৰ্ত্তি কৰোৱা হয় । হত্যাকাণ্ডৰ কাৰণ বৰ্তমানলৈকে জানিব পৰা হোৱা নাই যদিও পৰকীয়া প্ৰেমৰ বাবে এই ঘটনা সংঘটিত হোৱাৰ সন্দেহ একাংশৰ ।