বিধানসভাত প্ৰৱেশৰ পূৰ্বে অখিল গগৈক দুৰ্ব্যৱহাৰৰ অভিযোগ

বিধানসভাত শপত লোৱাৰ পূৰ্বে কাৰাগাৰৰ পৰা উলিয়াই প্ৰথমে জিএমচিএইচত স্বাস্থ্য পৰীক্ষা আৰু তাৰ পাচত বিধানসভাৰ মজিয়ালৈ নিয়া হয় শিৱসাগৰ সমষ্টিত নৱ নিৰ্বাচিত বিধায়ক অখিল গগৈক ৷ কিন্তু বিধানসভাৰ মজিয়ালৈ নিয়াৰ পূৰ্বে নিৰাপত্তাৰক্ষী, স্বাস্থ্যকৰ্মী আৰু দণ্ডাধীশে অখিল গগৈক দুৰ্ব্যৱহাৰ কৰাৰ অভিযোগ উত্থাপন হৈছে ৷ বিধায়ক অখিল গগৈক বাধা প্ৰদান কৰিলেও তেওঁৰ কণ্ঠ ৰুদ্ধ কৰিব নোৱাৰে আৰু শিৱসাগৰৰ উন্নয়ন কেতিয়াও স্তব্ধ নহয় বুলি দাবী কৰে অখিল গগৈয়ে ৷